Cartulaire de l'abbaye de Moissac

296.
1175, 24 novembre
Donation par Arnaud de Viarose des dîmes de Viarose.
A. Original perdu.
B. Copie du XVII e siècle d’après “une copie en parchemin”: Doat 129, f. 36r-37v.
B.
Sciendum est quod anno ab Incarnatione Domini millesimo centesimo septuagesimo quinto, regnante
Ludovico rege Francorum, R[aimundo] Tolosano comite, 1 G[eraldo] Caturcensi episcopo, 2 octavo
kalendas Decembris, Arnaudus de Biaroze, et Raymundus frater ejus dimiserunt in perpetuum spontanea
voluntate sua adunationem decimæ ecclesiæ de Biarose, in manu Gausberti de Monte Valrano,
archipresbiteri, videlicet quidquid in ea adunatione juste vel iniuste petebant vel petere poterant,
tenebant vel tenere poterant. Insuper juraverunt super sacrosancta evangelia, quod nunquam eam
adunationem deinceps peterent vel adunarent, nec per se neque per aliquam interpositam personam, sed
nec aliquis eorum consilio vel auxilio seu interventu contra voluntatem Gausberti de Mont Valrano,
archipresbiteri, vel successorum ejus sive sacerdotum ecclesiæ.
Huius dimissionis et juramenti sunt testes Petrus de Monte Valrano, diaconus; Stephanus de Sancto
Jacobo, sacerdos; Geraldus de Sancto Jacobo, sacerdos et subcapellanus; Geraldus del Castlar, sacerdos;
Stephanus Augerii, diaconus; Gausbertus de Salvanac, filius Gaufridi de l’Escout; Petrus Eliæ de
Castilo; Bernardus Bros; Vuillelmus Stephani; Arnaudus Negredos; Petrus del Castlar; Stephanus
Gaufridi; Gausbertus Gaufridi.
Arnaudus, communis notarius de Moysiaco, scripsit.
1 Raymond V, comte de Toulouse de 1134 à 1194.
2 Gérald III, évêque de Cahors de 1151 à 1200.
399