Cartulaire de l'abbaye de Moissac

289.
1166, 21 janvier
Bulle du pape Alexandre III, adressée à l’évêque de Cahors, obligeant les habitants de Moissac de
rendre à l’abbaye les biens qu’ils retenaient.
A. Original perdu.
B. Copie du XVII e siècle d’après “loriginal en parchemin”: Doat 129, f. 38r-39r.
Indiqué: Jaffé 11684 (7808).
B.
Alexander episcopus servorum Dei, venerabili fatri Caturcensi episcopo, salutem et apostolicam
benedictionem.
Quantum sit onere debitorum monasterium Moysiacense gravatum, et qualiter inopiæ et cegestati
subiaceat, tua discretio non debet aliquatenus ignorare. Quia vero ad onera et necessitates monasterii
alleniandas toto studio debemus intendere, et ejus gravamina in quantum possumus alleniare discretioni
tuæ per apostolica scripta mandamus, quatinus burgenses Moysiacenses monere studeas et attentius
exhortari, ut terras, redditus et honores præfati monasterii, quod nomine pignoris detinent, sive fructibus
perceptis sortem suam in duplum receperunt eidem occasione postposita resignent et deinceps sine
communi consensu abbatis et capituli vel sanioris partis thesaurum vel possessiones aut honores seu
redditus monasterii in pignus recipere nulla ratione attentent, terras vero et redditus quos occuparunt
eisdem fratribus restituere non morentur, vel in præsentia tua plenam exinde justitiam exhibere. Si
autem monitis tuis acquiescere forte noluerint, tu eos ad hac efficiendum autoritate nostra compellas et
etiam ecclesiastica censura percellas, et terram interdicto supponas.
Datum Beneventiæ, duodecimo kalendas Februarii.
390