Cartulaire de l'abbaye de Moissac

262.
1139, 4 avril
Donation faite par Raimond Bérenger, comte de Barcelone et de Besalú, à Saint-Pierre de
Camprodón, de plusieurs biens appartenant jusque-là à Bernard de Miliars.
A. Original perdu.
B. Copie du XVII e siècle d’après “une copie en parchemin”: Doat 129, f. 28r-29v.
B.
Sit cunctis fidelibus notum, tam præsentibus quam futuris, quod ego Raymundus Berengarii, comes
Barchinonensis Bisuldunensis, et Marchio et Aragonensium princeps, dono Domino Deo Omnipotenti et
Sancto Petro Campi Rotundi, cum consilio nobilium baronum meorum, pro remedio animæ meæ et
patris ac matris, in præsentia et in evidentia multorum hominum, ipsam baiuliam quam tenebat
Bernardus de Miliars, et mansum de Saleles, atque molendinos et ipsum vinum de Boloss et de Taulad,
et domos villæ Campi Rotundi, et omnia quæ tenuerat vel habere debuerat, nisi fori fecisset de Sancto
Petro, ut nec ipse, nec aliquis homo vel fæmina ex ejus progenie audeat vel valeat ulterius ibi requirere
aliquid vel aclamare. Et hoc facio pro baudia ac traditione et captione, quam ipse Bernardus de Muars
fecit in dominis suis monachis, pro qua culpa apellatus et vocatus in judicium Gerundensis episcopi non
potuit se expurgare vel excusare de supradicta traditione vel captione, qua de causa ut sacrilegus habeo
excomunicatus est, et hoc præcipio, ut nullus abbas vel monachus deinceps habeat potestatem reddere
aut dare vel concedere hæc Bernardo de Muars nec alicui ejus proli, sed abbas et monachi teneant,
habeant, et potestatem inde habeant omni tempore.
Si quis hoc disrumpere ausus fuerit, nihil proficiat, sed a comite facta justitia et vindicta, hæc donatio
inconvulsa permaneat.
Quod est actum quarto nonas Aprilis, anno Dominicæ Incarnationis centesimo trigesimo nono post
millesimum.
Sig:+:num Raymundi comes. Sig:+:num Arnaldi de Lort. Sig:+:num Berengarii de Lort. Sig:+:num
Raymundi de Vila Damuls. Signum Perela. Sig:+:num Arnaldi baiuli de Mulione.
Wuillelmus modo 1 qui istam cartam donationis rogatus scripsi, sub die et anno quo supra.
1 Lisez: monachus.
362