Cartulaire de l'abbaye de Moissac

256.
[vers 1135]
Charte de coutumes, concédée par l’abbé Guillaume et le vicomte Saxet et Ratier, à Saint-Nicolasde-la-Grave.
� Avec une confirmation par Oddon, successeur de Saxet, du temps de l’abbé
Gérald.
A. Original perdu.
B. Copie dans un fragment de cartulaire du milieu du XII e siècle: ADTG, G 569 II, f. 13r-14v.
C. Mentionné fin XIV e siècle: Chronique d’Aymeric de Peyrac, f. 163rb-va.
Bibliographie, édition et traduction: Georges Passerat, Les chartes de coutumes de Saint-Nicolas,
in: BSATG 120 (1995), p. 193-202.
B.
HEC EST CARTA DE CONSTITUCIONE VILLE SANCTI NICHOLAI.
Notum sit presentibus et futuris, quod Willelmus, prior Moysiacensis, cum consilio et mandato et
voluntate Willelmi, abbatis Moysiacensis, atque conventus monasterii Moysiacensis, et cum consilio et
mandato et voluntate Saxeti vicecomitis, et Raterii, et Sibille vicecomitisse, stabilivit villam , a) simul cum Raterio et Sibilla vicecomitissa, tali modo ut esset libera villa intra clausuram,
secundum mores et consuetudines ville Altivilaris, excepto quod abbas Moysiacensis et monachi
nominati retinuerunt sibi in unoquoque casali qui est intra clausuram acapte XII denarios et VI denarios
obliarum, et furnos, et sepulturam mortuorum, secundum voluntatem et secundum ordinationem
ipsorum morientium, et per consilium capellani et trium proborum hominum ejusdem ville. Et similiter
abbas et monachi retinuerunt justiciam, secundum consuetudinem ville Altivilaris, in ipsa villa Sancti
Nicholay.
Abbas vero et prior predicti concesserunt vicecomiti Saxeto et successoribus ejus, quod quisque
homo manens in eadem villa qui unum par boum habuerit, unum sextarium frumenti et alium sextarium
civate, ad mensuram ville Altivilaris, donet predicto vicecomiti et successoribus ejus, et non plus quam
unum sextarium frumenti et alium civate, etiam si plures boves habuerit. Set ille qui unum solum boum
habuerit, unam eminam frumenti et aliam eminam civate donabit vicecomiti ad predictam mensuram.
Ille vero qui cum fossorio laboraverit, si bovem non habuerit, donabit unam cartariam frumenti et aliam
cartariam civate vicecomiti, ad eandem mensuram. Qui vero nec cum bove nec cum fossorio laboraverit,
ille nec frumentum nec civatam vicecomiti dabit.
Servientes autem vicecomitis, qui hanc frumentatam et civadatam coadunaverint, debent esse soli
tres, et monachus ejusdem ville debet eis interim dare comedere vel debet eis facere dari, et in octo
diebus ad plus predicta civadata et frumentata debet congregari.
Preterea concesserunt vicecomiti abbas et prior et monachi et homines SANCTI NICHOLAY XXIIII
solidos Caturcene monete pro porcata in eadem villa, quoque anno in Natale Domini, et XVI solidos
ejusdem monete pro vacata quoque anno in festo Pentecostes, et in omnibus leddis medietatem, et in
omnibus justiciis tocius diei mercati medietatem. Si vicecomes vel servientes ipsius querelam de aliquo
homine ejusdem ville habuerint, non accipiant ipsi sibi justiciam, sed clament se monacho, et monachus
faciat fieri de predictis hominibus quod justum fuerit vicecomiti vel servientibus ejus. Istos vero usus
predictos abbas et monachi et homines ipsius ville concesserunt vicecomiti ut manuteneat et defendat
monachos et homines Sancti Nicholay et omnes illorum substantias.
Hoc totum stabilimentum, sicut scriptum est in hac carta, fuit factum, videntibus et audientibus istis:
Willelmo de Valleta sacrista, Arnaldo Arveui cellarario, Raimundo Saumaironi prefate ville
obedientiario, Willelmo de Usma, Raimundo Seguini de Manso Vila, Willelmo de Legmont, Fortanerio
de Vinear, Duranno de Beorgas, Geraldo Arveui, Petro de Altovilari, Bernardo Carle, Saumairono, Petro
d’Orsos, Arnaldo d’Orsos, Raimundi donati, Raimundo de Bosco Cairal, Willelmo de Tholosa,
Willelmo Bestoc et aliis multis.
355