Cartulaire de l'abbaye de Moissac

255.
1135, samedi 2 novembre
Donation par Seguin de Volvène de ses biens à Pommevic.
A. Original perdu.
B. Copie dans un fragment de cartulaire du milieu du XII e siècle: ADTG, G 569 II, f. 12v.
C. Copie par une autre main dans le même fragment de cartulaire: ADTG, G 569 II, f. 14v-15r.
Edition: Müssigbrod, p. 258-259.
B.
Notum sit cunctis presentibus atque futuris, quod Siguinus de Volveno donavit et dimisit Domino Deo et
sancto Petro de Moysiaco et monachis semper ibi Deo servientibus quicquid juste vel injuste requirebat
vel requirere poterat in terris vel in honoribus quę sunt in villa vel in parrochia de Pomerio Vico, ut
habeant et possideant ipsi et successores eorum in perpetuum. Hanc autem donationem sive
guirpitionem fecit pro redemptione animarum patris et matris suę et parentum suorum defunctorum. Et
debet esse guirens et defensor huius donationis de se et cunctis parentibus suis, sine omni malo ingenio
in vita sua. Quod si quilibet parentum suorum ad honorem de Volveno pertinentium post mortem
Siguini in supradicto honore aliquid ullo modo requirere voluerit, mille trecentos solidos monete de
medietate prius monachis reddat, et postea monachi stent ei in directum de supradicto honore. Propter
hoc domnus abbas Wilelmus et omnes monachi dederunt eidem Siguino et patri et matri suę ac
parentibus suis, vivis et defunctis, ad honorem de Volveno pertinentibus, in generali capitulo, partem et
societatem in omnibus beneficiis Moysiacensis monasterii, missis, elemosinis, offitiis divinis et ceteris
bonis, cum tali ętiam convenientia ut si ipse Siguinus, vel frater ejus, vel filius, vel consobrinus
germanus, vel secundus, vel nepos ex fratrę vel sorore, monacum se facere voluerit, cum peccunia et
absque pecunia, si ita voluerit, honeste recipiatur, ad mortem similiter cum pecunia et sine pecunia
honorifice sepeliatur, et abbas pro eo proprię missam cantet.
Facta carta anno Domini Christi M°.C°.XXX°.V°., IIII Nonas Novembris, feria VII, epacta XV a ,
concurrente III°, luna XX a .III a .
Hec donatio sive guirpitio facta est in manu domni Willelmi abbatis, et domni Willelmi prioris, in
capitulo de Moysiaco, in presentia totius conventus. Testes huius donationis vel guirpitionis: Bernardus
de Montesquiu, Bernardus de Castanerio, Stephanus del Poget, vicarius, et Bernardus avunculus ejus,
Willelmus Sicherii, Armannus de la Mora, Durannus de la Mora, Guillelmus de Castilone, Stephanus
Deusdet, Bernardus de Caturco.
Petrus monachus atque sacerdos die et anno supranominato scripsit.
354