Cartulaire de l'abbaye de Moissac

paririvum qui vocatur Chasaldil, usquequo terminetur Britanis vel Tremoledo; et in ipso villare alodem
qui nominatur Molerba, 1 cum illa vinea ubi dicitur Saxenis. 2
Et cedimus ad ecclesiam sanctorum Archangelorum Michaelis, Gabrielis, Raphaelis fundatam, quæ
est in cimiterio supradicti monasterii, ecclesiam nostram quæ est fundata in honore sancti Juliani, 3 cum
omnibus ad ipsam ecclesiam pertinentibus; et in ipso termino alodem nostrum qui fuit quondam
Ingilradane, et prope ipsum alodem qui fuit quondam Berseo; et prope ipsum alodem de Pogio Gennone
vel de Sacxe-nellis; 4 et in ipso termino sancti Juliani 5 alodem qui fuit quondam Gairaldo; 6 et in alium
locum alodem nostrum qui dicitur Merlana. De his vero omnibus alodiis qui terminantur ex una videlicet
parte, id est per illam guttam quæ dicitur Pedrosa, 7 vel per ipsum buxum Bodoleum, ex alia parte ab illa
rocha quæ dicitur Illo Avellano 8 quæ est in Garnense, 9 sicut fluvius Garonna decurrit, et ex fronte
superiore qui divitur ab illo alode qui dicitur Montebetone 10 sive Montodio, et pervenit per illum alodem
de Rodolaigas 11 usque in fluvium Garonnæ, et de fronte subteriore per illam perticam Guitardi, vel per
illam stratam Hicterii, pervenit usque in Longam Aquam 12 secus alodem de Sancto Porcario 13 prope fose
de Merlana, usque in fluvium Garonnæ, quantum infra has terminationes in supradictis alodiis nos visi
sumus habere vel possidere, exceptis illis donationibus quæ in finem hujus cartæ subter inveniuntur
descriptæ, quæ uxori meæ ego Isarnus vel propinquis meis sive fidelibus vel amicis nominatim dono.
Cætera quæ retinentur et remanent totum ex integro, pro amore Christi et redemptione animarum
nostrarum vel genitorum et fratrum aliorumque parentum nostrorum filiorum et filiarum nostrarum, et
omnium christianorum fidelium tam vivorum quam defunctorum, sancto Petro et sanctæ Mariæ,
sanctoque Michaeli in supradicto loco donamus,
ea tamen ratione, ut quamdiu ego Isarnus vixero, teneam et possideam sub censu, id est aut unam
refectionem aut prætium pro ipsa solidorum octo, tempore festivitatis sancti Saturnini persolvam. 14 Et si
ego Hisarnus defunctus fuero, et Hictarius filius meus supervixerit, similiter ipsas res denominatas
quamdiu vixerit sub supranominato censu teneat. Post obitum vero illorum, id est Isarni et filii ejus
Hictarii, jam dictas res ad supranominatos sanctos Dei sine ulla contradictione revertantur, ita ut
monachi ibi Deo servientes omnes suprascriptas res in communione fratres habeant et possideant, ut
exinde sacrificium Deo Omnipotenti pro redemptione animarum fidelium offerant, et sustentationem,
victus et vestitus elemosinaliter habeant.
Si vero ullus homo, fuerit aut episcopus aut abbas aut clericus aut laicus aut monachi ipsius loci, de
hac helemosinaria donatione aliquid in fevo donare aut vendere vel distrahere, aut aliquid minui malo
injustoque ordine voluerit, licentiam hæc peragendi non habeat, et primitus in iram atque maledictionem
Omnipotentis Dei incurrat, et beatum Petrum apostolum non susceptorem sed contradictorem portæ
regni celestis inveniat, deputatus in igne perpetuo qui paratus est diabolo et angelis ejus.
Et si quis tam adeo inventus perditus fuerit qui hanc authoritatem frangere voluerit, veniat aut frater
aut aliquis ex propinquis parentibus nostris, det sancto Petro in prætio in supradicto loco libram argenti
unam, et accipiat ipsam hæreditatem, et possideat eam quamdiu vixerit. Post mortem vero ipsius ad
supradictum locum Sancti Petri revertatur. Istam vero incartationem ego Isarnus taliter facio, ut si me
vivente aliquis contradictor pro hac ipsa causa contra me venerit aut necessitas vel voluntas mea fuerit
aliud facere quidquid voluero licentiam habeam ad faciendum. Si vero hæc mihi non evenerit, et hæc
non necesse fuerit agere, firma permaneat hæc cessio donationis.
1
Malherbe, lieu-dit à 750 m au sud d’Escatalens.
2
Seysses ou Les Saysses, lieu-dit à 2 km au sud-est d’Escatalens.
3
Saint-Julien, lieu-dit à 500 m au sud-ouest d’Escatalens.
4
Seysses ou Les Saysses, lieu-dit à 2 km au sud-est d’Escatalens.
5
Saint-Julien, lieu-dit à 500 m au sud-ouest d’Escatalens.
6
Gaule de Girod, lieu-dit à 3,5 km au nord-ouest d’Escatalens.
7
Ruisseau de Verdié ?
8
Les Belans, lieu-dit à 750 m au sud de Cordes-Tolosannes.
9
La viguerie de Garnès s’étendait sur les coteaux sur la rive gauche de la Garonne, face à Escatalens. Voir: Régis de la
Haye, Cordes-Tolosannes est-il l’ancien Cerrucium?, in: BSATG 119 (1994), p. 76-78.
10
Montbeton (Tarn-&-Garonne, arr. Montauban, canton Montech).
11
Roselayges, lieu-dit à 2,5 km au sud-est d’Escatalens.
12
Ruisseau de Majoureau, qui longe Saint-Porquier (traduction littérale !).
13
Saint-Porquier (Tarn-&-Garonne, arr. Montauban, canton Montech).
14 Saint Sernin, fête le 29 novembre.
34