Cartulaire de l'abbaye de Moissac

226.
1126
Notice sur l’oblation de Rainald de Gandalou et la donation de deux maisons et d’un jardin.
A. Original: ADTG, G 684 (Andurandy 2831). Notice: Dufour 1972, p. 105.
B. Copie dans un fragment de cartulaire du milieu du XII e siècle: ADTG, G 569 II, f. 1v.
C. Analyse du XVIII e siècle: Andurandy 2831.
Edition: Müssigbrod, p. 174-175.
A.
Notum sit cunctis presentibus atque futuris, quod Rainaldus de Guandalor, debilitatus paupertate atque
senectute, cum consilio et voluntate domini sui Raimundi Bernardi, et filiorum suorum Raimundi et
Hugonis, misit semetipsum in mercede et potestate domni Arnaldi Willelmi operarii, et donavit Deo et
sancto Petro Moysiaci atque Arnaldo Willelmi cunctisque monachis de Moysiaco præsentibus et futuris,
infra tornum de Guandalor, duos casales et unam vineam, et totum sirventagge quod habebat in Nauzas,
que partiuntur cum fevo de la Valleta usque ad domum Bernardi Texendarii. Propter hoc, Arnaldus
Willelmi convenit eidem Rainaldo de Guandalor dare victum et vestitum in vita sua, in morte vero quod
faceret eum honorifice sepelire, quod et fecit omnino Arnaldus Willelmi sicut ei promiserat.
Post mortem vero Rainaldi, duo filii ejus, Raimundus et Hugo, negabunt hoc idem donum quod pater
eorum fecerat, et auferre violenter cupiebant. Tandem accepta ab Arnaldo Willelmi operario de
supradicta patris sui donatione una dinairada de vinea et medietate unius eque, libere et absque ulla
retentione concesserunt et reliquerunt quicquid juste et iniuste requirebant in supradictis honoribus, quod
pater eorum donaverat, et promiserunt quod semper in vita sua donum patris sui ad usum et servitium de
opera sancti Petri proposse suo conservarent et manutenerent. Insuper addiderunt et donaverunt Deo et
sancto Petro totum sirventagge quod possidebant in terra Raimundi Bernardi que vocatur Granullac, et
totum sirventagge quod habebant in sex sextairadas terre del Broll, in tali videlicet convenientia, ut si
operarius vel qui eas per illum tenuerit, in supradictis sex sextairadis domos edificare vel pagenses ibi
mittere voluerit, nullum usum vel servicium ibi habeant; sed si seminata fuerit de blad terra illa, habeant
inde suum usum.
Facta est huius concessionis descriptio in manu domni Arnaldi Willelmi operarii, anno ab
Incarnatione Domini M°C°XX°VI°, regnante LUDOVICO Francorum rege.
Huius rei testes qui adfuerunt: Willelmus de Vuier, Gauzbertus Arnaldi, Poncius de Pelenar, et multi
alii.
Raimundus monachus scripsit.
315