Cartulaire de l'abbaye de Moissac

221.
1125
Engagement de l’abbatiat séculier par Gausbert de Fumel pour la somme de 1.225 sous caoursins.
A. Original perdu.
B. Copie du XVII e siècle d’après un “grand rouleau de parchemin escrit de deux costes” (perdu),
du milieu du XII e siècle: Doat 129, f. 5r-6v.
Edition: HGL, t. 5, col. 939-940; Lagrèze-Fossat, t. 1, p. 350-351.
B.
In presencia domni Rotgerii, Moysiacensis abbatis, et Ildefonsi, comitis Tolose, Gauzbertus de Fumel,
abbas secularis, predicto abbati et monachis pigneravit annuum redditum, quem in ipso monasterio
censualiter requirebat. Erat autem redditus, per singulos annus, due hospitationes, une in yeme cum
civada, altera in estate sine civada. Sed et omnibus diebus quibus ipse abbas secularis in Moysiaco
presens pernoctaret, sero quindecim candele sibi dabantur, quarum major quindecim fuerat semipedalis,
alie vero minores et secundum voluntatem distribuentis; ipse vero candele graciles et quales in
cottidianis usibus expendebant, non equidem grosse, quales videlicet in ecclesiasticis officiis, ob
reverentiam divinitatis, ibidem frequenter ardere consueverant. Hec omnia autem supradictus abbas
secularis pro mille ducentis viginte quinque solidis Caturcensium pigneravit, hac conditione, quod si
Caturcensis moneta in minus vel in majus mutaretur et ipse pignus abstrahere vellet, pro MCCXXV
solidos Caturcensium DCXII solidos et VI denarios Morlanorum redderet; quod si etiam moneta
Morlanorum aliquantulum vilesceret, per XXXV solidos Caturcensium marcam argenti, quia sic hodie
venditur, toties redderet, quousque sub hac mutatione MCCXXV solidos solventur.
Hujus igitur pignoris convenientiam ab Ildefonso comite Tolosano conlaudatam et confirmatam
viderunt et audierunt sequentes. Signum domni R[ogerii] abbatis. S. Arnaldi cellerarii. S. Raymundi
camerarii abbatis. S. Ildefondi comitis. S. Emenonis de Sabra. S. Engelberti vicarii Tolosæ. S. Vitalis
Talientis et Bernardi Moli. S. Guillelmi de Castilo. S. Begonis. S. Willelmi de Usma et Bernardi de
Montesquieu, et Stephani Guilarani. 1
Actum est anno Dominice Incarnationis MCXXV.
1 Begon et Etienne Guileran, souscripteurs de cet acte, font partie de la “commission d’arbitrage” de l’acte du 1 er mai 1129,
concernant l’abbé séculier.
310