Cartulaire de l'abbaye de Moissac

213.
[vers 1115/1120]
Donation par Raimond Bernard de Gandalou de divers biens.
A. Original perdu.
B. Copie dans un fragment de cartulaire du milieu du XII e siècle: ADTG, G 569 II, f. 1r.
C. Copie dans un fragment de cartulaire de la seconde moitié du XII e siècle: ADTG, G 571
(Andurandy 5799).
D. Copie du XVII e siècle d’après une “copie en parchemin”: Doat 131, f. 289r-290v.
Edition: Müssigbrod, p. 172-173.
Note: datation d’après Müssigbrod.
B.
Notum sit tam presentibus quam futuris, quod Raimundus Bernardi de Gandalor et uxor ejus et filius
ipsius similiter Raimundus Bernardi cognominatus, pro animarum suarum et parentum redemptione
dederunt Deo et sanctis apostolis Petro et Paulo Moysiacensis monasterii, necnon monachis ibidem Deo
servientibus, illam terram quę est ad portam ipsorum monachorum, sicuti partitur cum fevo illorum
militum qui cognominantur de la Valeta, 1 necnon pratum cum omni palude usque ad domum Bernardi
Texendarii, sive artigam illam ubi Deusdet Boers habitat, cum una pertica nemoris unde sepiantur prata
in jamdicta palude peracta. Et accepit Raimundus Bernardi pro hac donatione ab Arnaldo Guillelmi tunc
operario unum equm precio viginti solidorum. Hanc vero donationem fecit ipse cum jam dicta uxore sua
et filio super altare beatorum martirum Fabiani et Sebastiani, 2 vidente Rainaldo de Gandalor. Excepto si
ipse Raimundus Bernardi in jamdicta palude ortum vel pratum construere voluerit, cum consilio
monachorum licentiam agendi habeat.
* * *
Preterea, multo jam temporis spacio evoluto, sepedictus Raimundus Bernardi, cum uxore sua, pro
redemptione animę suę, parentumque suorum, dedit Deo et sanctis apostolis Petro et Paulo
Moysiacensis monasterio et habitatoribus ipsius loci, sex sestairadas de illo saltu qui dicitur del Broill,
ad mensuram moysiacensem, et illam terram totam cum nemore quę fuit Witardo de Sancta Liberata, et
juxta illam de illo bosco qui dicitur del Ramet, tantum quantum potest seminari uno modio tritici.
Hoc autem factum cum consilio Ugonis de Sancto Andrea, hoc tamen pacto, ut ipse accipiat terram
modiadam ejusdem saltus per Valentiam, que heres erat ipsius nemoris.
Testis hujus rei est Willelmus Oddo de Villa Caslana.
Pro hac vero donatione, Arnaldus Villelmi de opere dedit Raimundo Bernardi unum equm, qui etiam
ita firmiter hoc donum accepit, ut sine aliqua occasione monachi jam dicti monasterii teneant et
possideant in perpetuum.
Signum Raimundi filii Arnaldi de Varazag. Signum Bernardi de Cruce.
1 Lavalade, lieu-dit sur la commune de Castelsarrasin, au bord du Tarn.
2 Fabien et Sébastien, patrons de l’église de Gandalou.
299