Cartulaire de l'abbaye de Moissac

197.
1110
Restitution par Amelius, évêque de Toulouse, faite à l’abbaye de Cluny, de l’église de Sainte-
Colombe.
A. Original: ADTG, G 697.
B. Copie du XVII e siècle d’après “une copie en parchemin”: Doat 128, f. 344r-345v.
C. Analyse du XVIII e siècle: Andurandy 6299.
Edition: Gallia Christiana, t. 13, Instrumenta, acte XV, col. 14-15.
A.
Amelius Dei gratia Tolosanus episcopus, recognoscens ecclesiam Sancte Columbe que in Tolosano
sita est, in territorio Cercorbensi, 1 juxta fluvium Hert, 2 juris esse Sancti Petri Cluniacensis coenobii, in
manu domni Poncii abbatis, ipsam ecclesiam Sancte Columbę, cum ecclesiis ad eam pertinentibus
Cluniaco restitui, salva reverentia Tholosanæ ecclesię.
Hoc autem feci pro multa multumque cura dilectione, que inter nostros majores et Cluniacenses
patres ab olim usque nunc conservatur, et pro sincera vereque germana amicicia quam cum predicto
abbate specialiter habeo et habere semper curabo, et ut particeps esse merear Cluniacensi fraternitati
in cunctis benefactis eorum, in quo bono omnes legitimos successores meos, qui hoc factum et hanc
cartam laudaverunt, participes esse volo et oro.
Hoc factum laudaverunt canonici nostri Tolosane sedis, Arnaldus prepositus, et Arnaldus
Vuillelmus archipresbiter, cum ceteris.
Vicecomes quoque Bernardus Attonis 3 ipsam ęcclesiam cum suis pertinensiis reddidit, et novam
inde donationem fecit Cluniaco in manu nostra, et in manu predicti abbatis, quantum ad ipsum
pertinere poterat, concedens ut quicumque feudalium suorum de bonis predictę ęcclesię Sancte
Columbe aliquid possidebat se volente restitueret, sed et frater meus Petrus Raimundus et uxor ejus
Adila, qui predicti abbatis soror erat, quicquid de bonis ęcclesię habebant, reddiderunt gratis,
simulque filium suum pulcrum Vuillelmum nomine in Cluniaco futurum monachum donaverunt.
S. Amelii Tolosani episcopi, qui ecclesiam Sancte Columbe cum pertinenciis suis Cluniaco
redonavit et laudavit, et cartam istam inde firmavit. S. Raimundi Auscior archiepiscopi, qui ad
utramque donationem episcopi scilicet atque vicecomitis presens fuit. S. Arnaldi Raimundi prepositi.
S. Arnaldi Vuillelmi archipresbiteri. S. Isarni Frigdilensis prioris. S. Vuillelmi capellani. S. Bernardi
Attonis vicecomitis. S. Bertranni de Villamodi. Porro alii quamplures monachi et clerici et milites
extiterunt testes.
Actum apud Sanctam Eulaliam prope Carcassonam, 4 in manu domni Pontii Cluniacensis abbatis,
anno ab Incarnatione Domini M°.C°.X°., sub domno Pascali papa Secundo, Ludovico rege
Francorum.
Albertus Teutonicus rogatus SCRPSIT.
1 Le Kercorb ou Chercorbès appartenait au pagus Tolosanus (Sabarthès, p. XI).
2 Sainte-Colombe-sur-l’Hers (Aude, arr. Limoux, canton Chalabre), sur l’Hers.
3 Bernard Atton, vicomte de Carcassonne de 1083 à 1129: M. Mahul, Cartulaire et archives des communes de l’ancien
diocèse et de l’arrondissement administratif de Carcassonne, vol. 5 (Paris 1867), p. 248; Jean Guilaine, Daniel Fabre,
Histoire de Carcassonne (Toulouse 1984).
4 Sainte-Eulalie (Aude, arr. Carcassonne, canton Alzonne).
280