Cartulaire de l'abbaye de Moissac

174.
[1104]
Supplique adressée au pape Pascal II, par Odon, abbé de Lézat, lui proposant d’unir l’abbaye
de Saint-Pierre de La Court ou du Mas-Grenier, à Moissac.
A. Original dans les archives du destinataire.
B. Copie du XIV e siècle, d’après “quadam carta antiqua”, dans la Chronique d’Aymeric de
Peyrac, f. 160vb-161ra.
B.
Universali patri domno Pascali pape, frater Olesacensis abbas suus servus.
Clareat magestati vestre, pater generalissime, quod Geraldus abbas Lesacensis, predecessor noster,
abbaciolem de Curte, que justicia exigente sub nostro degebat regimine, nisus est ortodoce ordinare,
quathenus spurcicia eliminaretur inde ac cultus Deo debitus redderetur, et ad unguem perduceretur,
nisi invasores Clusinenses monachi sinistra manu obstitissent atque fratribus loci illius apprehendere
disciplinam prohibuissent, et ut persensit conventus Lesacensis valde condoluit. Et sepius inde
conquerens metuensque ne sibi cui loci illius cura pastoralis commissa fuerit fratrum perhenniter
perdicio a districto judice exigeretur, tandem tale evenit concilium quod causam et curam illius
abbaciole sibi comandate magistrali sue ecclesie Moyssiaci tribueret, ut quod ipsa et Lasacensis
ecclesia sua in potentia implere minime nolebat, Moyssiaci famosissima ecclesia suppleret, tali
reperto concilio a fratribus nostris alcioris concilii. Venitur in capitulum ibique revelato, ut moris est,
negocio communi assensu omnium fratrum prefatus abbas Geraldus Lesacensis privilegium nostrum
de Curte Moyssiacum detulit, atque jus nostrum ac regimen de abbaciole de Curte, domno abbati
Asquilino successoribusque ejus cessit in perpetuum. Hujus rei ego suprataxatus, ut ceteri consodales,
gratus laudator extiti, et adiutor atque cooperator in omnibus assiduus fui; quod si forsan dubitatur,
legendo compendiose cognoscatur que, quod tunc patri spirituali laudavi monachus, nunc longe
melius laudo, modisque omnibus astipulans confirmo illa in honore regimine positis. Sed quia me
inde testimonium corroborendum vestra sibi presentari jussit paternitas, hoc libens gaudensque
fecissem, nisi carius obstitisset infirmitas. Predicta vero abbacia Lesacensis inhita quadam
compositione domno episcopo Tholosano, demum pervenit ad dictum episcopum. Et abbas Moyssiaci
resignavit jus quod habebat in eadem, et non Cluniacensi immediate subest.
252