Cartulaire de l'abbaye de Moissac

173.
1104
Restitution par Vivien, vicomte de Lomagne, son épouse Béatrice, et leurs fils Oddon et Vivien,
d’un honneur au-dessus de Botirans, sur la Sère et la Gimone. – Suivie d’une confirmation par
Oddon et sa mère Béatrice.
B.
A. Original perdu.
B. Copie dans un fragment de cartulaire du milieu du XII e siècle: ADTG, G 569 II, f. 8v-9v.
AUCTORITATE simul atque exemplis Scripturarum Sanctarum omnis catholici christiani in comune
cognovimus quod fiducia magna est coram Summo Deo helemosina omnibus facientibus eam. 1 Et
iterum alia scriptura dicit: Helemosina a peccato liberat, et non patitur animam ire in tenebras
dampnationis. 2 Illut etiam uti ymperatoris licet gentilis memorabile dictum: perdidisse diem qua
nichil bono feceris.
His itaque aliisque exortationum commonitionibus provocatus, ego in Deo nomine vicecomes
Limaniæ dictus Vidianus, simul cum vicecomitissa nobili uxore mea Beatrice, et filiis meis Oddone et
Vidiano, cum consilio quoque et presentia multorum meorum nobilium virorum, reddo, dono et
confirmo Domino Deo et sanctissimis ejus apostolis Petro et Paulo, ac loco Moysiaco, in manibus et
potestate venerandi abbatis Ansquitilii, et ipsius cuncte congregationis omniumque successorum
eorum, illum honorem ubi dicitur in superiori capite de Butira ab oriente, et determinatur cum illo
onore de Serra, 3 et a meridie determinatur cum ipso termino de Itrag, 4 sicut vadit in fluvium Cellę, 5 et
ab ipsa Cella usque in fluvium Gemone, 6 et sicut ipsa Gemona descendit in fluvium magnum Garone,
quantum inter hos fines et terminas habeo et possideo, absque medietate illius tenentię Geraldi de
SANCTE MARIE. 7 Hunc igitur honorem supra determinatum, quantum inter hos fines et
determinationes continetur, cum silvis, terris cultis et incultis, aquis aquarumque decursibus, nauzis et
gurgitibus, pratis et pascuis, cum ingressibus suis et egressibus, ita dono, concedo atque transfundo
ego prenominatus Vidianus vicecomes, cum uxore et filiis meis supradictis, monasterio Moysiaco et
cunctis ibi Deo servientibus, tam futuris quam presentibus, ut ita habeant, teneant et possideant in
proprium alodum, quamdiu terrę imminet cęlum.
Pro ac itaque donatione mea, quam sic facio pro remissione peccatorum meorum et pro salute et
remedio animarum patris et matris meę, accipio ab ipsis monachis et adquiro premium magni precii,
scilicet pauperem unum in helemosina per singulos dies vite meę, et post discessum meum per quot
annos anniversarium plenum persolvi, tali inquam institutione, ut decanus sive provisor ipsius onoris
fratribus in refrectorio ac pauperibus in helemosina omnibus plenam ipsa ipsa a) die persolvat
karitatem.
Ut etiam firma ac stabilis res ipsa per secula permaneat, aliquantum pecunie sicut inter nos
complacuit, scilicet septingentos solidos probate monete, ab ipsis non dedignor accipere.
1
Tobie 4,12.
2
Tobie 4,11.
3
Sur la difficile localisation des honneurs de Botirans et de Serre, voir Mousnier 1991.
4
Vitrac, lieu-dit à 2,5 km au sud de Garganvillar.
5
La Sère.
6
La Gimone.
7
Géraud de Sainte-Marie est probablement le ‘propriétaire’ de l’église de Notre-Dame d’Alem, dont il fera don en
1108/1115 à l’abbaye de Moissac. Il possède des biens à Garnouillac, au nord de Castelsarrasin (acte de donation par
Raimond Bernard de Gandalou, 1109).
250