Cartulaire de l'abbaye de Moissac

148.
1097, 16 avril
Bulle du pape Urbain II, comportant divers privilèges concédées à l’abbaye de Cluny.
B.
A. Original dans les archives de l’abbaye de Cluny.
B. Copie figurée du début du XII e siècle, parchemin, h. 278/268 mm, l. 255/252 mm: ADTG, G
538(2) (Andurandy 1886).*
C. Copie du XVII e siècle d’après “un cayer de huit petites feuilles de parchemin” (perdu): Doat
128, f. 266r-267v (correspond au texte de B).*
D. Analyse du XVIII e siècle: Andurandy 1886.
E. Analyse du XVIII e siècle, d’après une copie du début du XII e siècle dans un fragment de
cartulaire perdu: Andurandy 605.
Indiqué: Jaffé 5682(4256).
Edition: Bull. Clun. p. 28; Migne, PL 151, col. 493-494, epistola CCXX (d’après le Bullarium
Cluniac.).
[Mention ancienne au dos:] PRIVILEGIUM DOMNI URBANI SECUNDI NE
EXCOMMUNICATIONIS SUBJACEANT FRATRES CLUNIACENSES
SIBIQUE SERVIENTES.
URBANUS EPISCOPUS, SERVUS SERVORUM DEI, REVERENTISSIMO FRATRI HUGONI
ABBATI, ET UNIVERSIS CLUNIACENSIS CENOBII FRATRIBUS, SALUTEM ET APOSTOLICAM
BENEDICTIONEM.
Quoniam abundante iniquitate refrixit multorum caritas, 1 oportet nos pro loci nobis divinitus
commissi regimine paucorum, id est servorum Dei religioni attentius providere. Per illos enim
plerisque in locis Dei servi et monachi perturbantur, per quos potissimum eos foveri ac protegi
expediret. Que nimirum culpa nonnullos nostri temporis episcopos respicit, qui dum terrenis inhiant,
eos qui terrena videntur despexisse perturbant. Quorum profecto molestiis per apostolicę sedis
dispensationem duximus obviandum, quatinus opitulante Deo a secularibus tumultibus liberi, tam pro
nobis quam et pro ipsis et universis Christi fidelibus exorare sollicitius valeatis.
Presenti igitur constitutione sancimus, ne cellarum vestrarum ubilibet positarum fratres pro
vicinarum diocesium interdictione vel excommunicatione divinorum officiorum suspensione
patiantur, sed tam monachi ipsi quam et famuli eorum, qui videlicet monastice se professioni
devoverunt, clausis ecclesiarum januis, non admissis diocesanis, divinę servitutis offitia celebrent, et
sepulturę debita peragant.
Vobis preterea, qui in ipso Cluniacensi monasterio commoramini, licentiam indulgemus ut ad
chrisma conficiendum sive oleum benedicendum vestris vestrorumque usibus, quem malueritis
catholicum episcopum advocetis, qui nostra fultus auctoritate que prestolatur indulgeat.
Si quis vero episcopus vel episcoporum minister super his molestiam vobis ingerere, et nostris
constitutionibus obviam ire presumpserit, pro sedis apostolicę contemptu, secundum beati Gelasii
sententiam, sui erit ordinis et honoris elisor.
Scriptum per manus Lanfranci, notarii sacri palatii.
Datum Laterani per manum Johannis, sanctę Romanę Ecclesię diaconi cardinalis, XVI Kalendas
Maii, indictione V, anno Dominice Incarnationis M°.XC°.VII, pontificatus autem domni pape
URBANI Secundi X°.
1 D’après Matthieu 24,12.
216