Cartulaire de l'abbaye de Moissac

143.
1094
Donation par Bernard Traucapectus et par sa famille de l’église Sainte-Marie de Boisse.
A. Original perdu.
B. Copie dans un fragment de cartulaire du début du XII e siècle: ADTG, G 569 I (Andurandy
1656), p. 5-6.
C. Mentionné XIV e siècle dans la Chronique d’Aymeric de Peyrac: f. 160rb et 160vb.
D. Copie du XVII e siècle d’après “quatre cayers de parchemin cousus ensemble contenant vingt
huit feuilles” (perdus), du début du XII e siècle: Doat 128, f. 250r-252r.
E. Analyse du XVIII e siècle: Andurandy 1656.
F. Analyse du XVIII e siècle, d’après une copie du début du XII e siècle dans un fragment de
cartulaire perdu: Andurandy 603, n° 46.
B.
DE ECCLESIA DE BVXA
Exemplo atque institutione Sacracrum agnovimus Scripturarum quod elemosina a peccato liberat, et
non patitur animam ire in tenebris dampnationis. 1 Et iterum Scriptura ait: Fudicia magna erit coram
Summo Deo elemosina facientibus eam. 2
His inquam aliisque exortacionum commonitionibus provocati, ego Willelmus dictus plublice
Traucapectus, 3 et frater meus Petrus, cum consilio matris nostre nomine Blanca, et multorum
amicorum nostrorum, maxime Gauzberti et Arnaldi de Lauriaco, Aimerici quoque et Hugonis fratris
sui, aliorumque nobilium virorum, quandam ecclesiam nostri juris que ex propinquitate parentum
affinium que nostrorum nobis attinere videtur, Domino Deo et sanctissimis ejus apostolis Petro et
Paulo ac celeberrimis locis Cluniaco et Moysiaco, abbatibusque venerandis domno Hugoni et domno
Ansquitilio, et omnibusque suis successorumque suorum congregationibus, damus et concedimus
habendam et possidendam in perpetuum. Hanc igitur ecclesiam que sita est in pago Caturcino et
fundata in nomine et honore perpetue Virginis MARIE, que vulgo dicitur Buxa, 4 cum universo suo
ecclesiastico honore, cum decimis et primiciis, cum egressibus, regressibus et ingressibus, simulque
omnibus ubique ad ipsam pertinentibus, ita nos omnes in communes concedimus et firmamus in
elemosina, pro remissione peccatorum nostrorum necnon pro salute et remedio animarum parentum
omnium nostrorum, vivencium vel defunctorum, in perpetuum, alodium tenendam et habendam, jure
perpetuo, sicut jam diximus, beatissimis apostolis Dei Petro et Paulo, et universis in supramemoratis
monasteriis Cluniaco et Moysiaco eterno Deo perhenniter famulantibus.
Si quis vero, quod absit, cujuscumque generationis hujus nostre elemosinis cessionis obviare
voluerit, aut in aliquo minuere vel subtraere presumserit, nisi cicius satisfatiens penituerit atque
correxerit, in primis iram Dei Viventis incurrat atque cum eis qui dixerunt Domino Deo Recede a
nobis, 5 dampnandum se sentiat ac disperdendum, hic et in eternum.
Ut ergo firma stabilisque ac stipulatione subnixa ab hac die et deinceps permaneat atque consistat,
sub protectione et defensione Romani Pontificis tunc temporis presentis submittimus et
commendamus, ut, quod de manu laicali necnon militari potestate quo actenus fuit, in Omnipotentis
Dei et servorum ejus stipendiis libere et fideliter comittamus atque transducimus, absque omni
perturbatione et inquietudine ratum fit et inconvulsum.
1 Tobie 4,11.
2 Tobie 4,12.
3 Guillaume dit Percepoitrine.
4 Boisse, église Notre-Dame, sur la commune de Castelnau-Montratier (Lot, arr. Cahors, ch.l.c.).
5 Job 21,14.
206