Cartulaire de l'abbaye de Moissac

122.
1083, mardi 5 septembre
Donation faite à Cluny et à Moissac par Armand et Adémar, d’un lieu situé sous le château de
Bruniquel, en vue de la construction d’un monastère.
A. Original: ADTG, G 667 (Andurandy 5239).
B. Copie: ADTG, G 667 (Andurandy 5240).
C. Copie dans un fragment de cartulaire du début du XII e siècle: ADTG, G 569 I (Andurandy
1656), p. 11-13.
D. Mentionné fin XIV e siècle dans la Chronique d’Aymeric de Peyrac, f. 158va.
E. Copie du XVII e siècle d’après “quatre cayers de parchemin .. contenans vingt-huit feuilles”
(perdus), du début du XII e siècle: Doat 128, f. 170r-172r.
F. Autre version d’après une “copie en parchemin”: Doat 128, f. 173-176r.
G. Autre version d’après un “cayer de huit feuilles” (= ADTG, G 569 I): Doat 128, f. 177r-180v.
H. Analyse du XVIII e siècle: Andurandy 1656.
I. Analyse du XVIII e siècle, d’après une copie du début du XII e siècle dans un fragment de
cartulaire perdu: Andurandy 603, n° 44.
Edition: GC 1, Instrumenta, p. 39.
A .
Mention dorsale ancienne: SIVRACO NOVO:
LEGIBVS INSTRVCTI DIVINIS, ATQVE ECCLESIASTICE SANCTIONIS ROBORATI EXEMPLIS, CREDIMVS ET
CONFITEMVR IMPIETATES atque delicta humanis excessibus commissa, helemosinarum largitate,
simulque bonorum operum assiduitate per Dei dispositionem posse redimi, atque mundari: ipsa
veritate quæ Deus est attestante, quæ ait: date helemosinam, et omnia munda sunt vobis. 1 Et iterum
Scriptura: fili, inquit, benefac semper, et Deo dignas oblationes offer: memor esto, quoniam mors non
tardat, et testamentum inferorum manifestabitur tibi. 2 His etiam aliorumque divinorum eloquiorum
ammonitionibus provocati, nos videlicet Armannus et Ademarus vicecomites cognominati, auxiliante
Domino providemus, atque disponimus pro omnibus peccatis nostris, ex facultatibus propriis noviter
monasterium construere, ad honorem ipsius Omnipotentis Dei, et memoriam beatissimorum Petri et
Pauli apostolorum principum, quibus a Domino collata est potestas ligandi atque solvendi, procul
dubio pro defensione et melioratione nostrorum tam corporum quam animarum, simulque pro remedio
animarum parentum nostrorum, atque omnium tam vivorum quam defunctorum fidelium. Igitur
instinctu et consilio multorum nobilissimorum virorum, nos prenominati vicecomites Ademarus
scilicet atque Armannus concedimus atque donamus jure perpetuę cessionis Domino Deo, sanctę
scilicet et individuę Trinitati, sanctissimisque ejus apostolis PETRO ET PAVLO et locis ipsorum
CLUNIACO atque MOYSIACO, simulque abbatibus venerandis domno HVGONI et domno VNALDO, et
omnibus eorum successoribus abbatibus, et monachis in supradictis locis Deo in perpetuum
servientibus, locum ad hoc pręelectum atque constitutum. Et est locus ipse in Katurcensi pago, in
territorio subtus ipsum BRVNICHILDVM castrum, inter flumina VERE ET AVARIONIS, ipsum locum
cum universis appendiciis et adjacenciis suis, quicquid ibi vel alias ad hoc opus designavimus et
donavimus, vel adhuc daturi sumus, et quodcumque ipsius loci abitatores, cum Dei auxilio, inibi
adquirere potuerint, ut ita teneant et possideant coenobiorum supradictorum Cluniacensium et
Moysiacensium habitatores, in proprio alode jure perpetuo.
1 Luc 11, 41.
2 Siracide 14,11-12.
179