Cartulaire de l'abbaye de Moissac

120.
1082, août
Donation par Bernard Guillaume d’Arriols cum suis de l’église Saint-Cirice de Cumont.
A. Original perdu.
B. Copie du XVII e siècle d’après “deux cayers de parchemin .. contenans seize feuilles”
(perdus), du début du XII e siècle: Doat 128, f. 167r-169v.
Edition: Müssigbrod, p. 313-314.
B.
Multis modis, multisque mensuris volens consulere Deus casibus humanis plura uti ægris medicus
remedia contulit sanitatis. Ex quibus singulare ac præcipium suis præceptis ostendit unum,
helemosinæ scilicet largitionem, unde quis accipere mereatur peccatorum suorum remissionem,
dicens inter cætera suorum præceptorum documenta: date helemosinam, et ecce vobis munda sunt
omnia. 1 Illud etiam: facite vobis amicos de mammona iniquitatis, ut, cum defeceritis, recipiant vos in
æterna tabernacula. 2
Hæc et his similia cogitans, ego Bernardus Guillelmus cognomento de Arriols, quæ divinis litteris
inserta relatu virorum sapientium contigit me agnoscere, et credere fide certa, simulque anxius de
salute animæ meæ, ne velut operum bonorum sterilis apparerem in conspectu ejus in novissima die,
qui judicaturus est orbem in æquitate, dono et in perpetuum possidendum trado Domino Deo
Omnipotenti, sanctisque apostolis ejus Petro et Paulo, ac loco ipsorum Moisiaco monasterio,
monachis quoque ibidem habitantibus tam præsentibus quam futuris, quartam partem ecclesiæ sancti
Cirici vocabulo de Cucmonte, cum consilio et consensu uxoris meæ atque volontate filiorum meorum
Guillelmi et Arnaldi, necne Raimundi, quæ mihi jure hæreditario per successionem parentum meorum
obvenerat, taliter ut ab hodierno die et deinceps nullus de progenie mea sancto Petro auferre audeat.
Karolus vero dedit aliam medietatem ipsius ecclesiæ de Cucmont, cum consilio Agenonis, et filii
sui Raimundi, sancto Petro de Moisiaco, et accepit pro hoc viginti quinque solidos.
Aliam quartam partem dedit Raimundus Bernardi de Fenils, cum consilio uxoris suæ, et accepit
pro hoc unam mulam de monachis Moisiaci.
Et ut si aliquis de illorum generatione tollere velit, particeps sit pænis illorum, qui res Ecclesiæ
tollentes Dei justo juditio dampnantur in inferno, nisi rediderunt pænitendo.
Facta carta donationis ista anno Dominicæ Incarnationis millesimo octuagesimo secundo, in mense
augusto, regnante Philippo Francorum rege, pontificatum autem Romanæ Ecclesiæ administrante
papa Gregorio.
Signum Bernardi et uxoris ejus. Signum Willelmi et Arnaldi et Raimundi.
Confirmation.
Post non multum temporis hanc ipsam medietatem ecclesiæ de Cucmont sicut Karolus et Ageno
donaverunt, et firmaverunt sancto Petro, ita etiam firmavit et donavit cum filiis suis Vuillelmo
Argannado et acceperunt a Leberone septuaginta quinque solidos, et a monachis sancti Petri duas
libras argenti ut habeant et possideant ipsi monachi imperpetuum.
1 Luc 11,41.
2 Luc 16,9.
176