Cartulaire de l'abbaye de Moissac

117.
1081, mai
Donation par Hugues Bernard, de biens à Layrac, Montescot, Saint-Christophe, Meauzac,
Moissac et Boudou, et oblation de son fils Bernard.
A. ADTG, G 571 (Andurandy 3339). Parchemin, h. 13,5 cm, l. 34,6 cm.
B. Mentionné fin XIV e siècle dans la Chronique d’Aymeric de Peyrac, f. 158va.
C. Analyse du XVIII e siècle: Andurandy 3339.
A.
Mention dorsale ancienne: HONORES BERNARD
VGONIS
Notum sit omnibus hominibus tam futuris quam presentibus in quorum manibus hæc donationis meę
descriptio venerit, quod ego dictus Ugo Bernardi dono Domino Deo et sancto Petro de Moysiaco et
abbatibus et monachis ipsius loci, ut teneant et possideant in perpetuum omnes subscriptos honores
sicut melius habui et tenui ego ipse et antecessores mei, et denominatim omnem honorem qui evenit
michi per uxore mea Beatrice.
Dono etiam filium meum nomine Bernardum beato Petro, ut monachus sit in ipso monasterio
Moysiaco, pro salute animę meę et matris suę jam dictę Beatricis, et pro remissione peccatorum
omnium parentum nostrorum.
In primis, de ecclesia Beatę Marię de Alariaco, et de omnibus ad ipsam pertinentibus, atque de
manso illo de Boszac quartam partem. In ipsa villa de Alariaco, de illa condamina ubi dicitur de
Triara, et de illo honore qui appellatur de Scorga Tinea, et de ipsa mansione et locale et de omni
honore quem Bernardus Geraldi habebat et tenebat in ipso Alairaco omnem medietatem.
De illa æcclesia Sancti Stephani de Monte Escoth et de omnibus ad ipsam æcclesiam pertinentibus
quartam partem. De toto illo alodio quem supradictus Bernardus Geraldi possidebat in ipsi parroechia
de Monte Escoth, mediam partem.
De illis duobus mansibus qui sunt in parroechia Sancti Christophori de Plebegio quos tenebant
Arnaldus Arveus et Genesius Arveus de supradicto Bernardo, ...at dono medietatem.
In illis duobus mansibus de Melzago quos tenebant Bernardus Mangul et Benedictus Adalberti de
predicto Bernardo, simili modo dono medietatem.
Et in ipsa villa de Moysiaco, in platea illa que appellatur vulgo de Mala Vetula, 1 de illis sęx
casalibus quos ego ipse et antecessores mei de manu abbatis regularis tenuimus, similiter totam
medietatem.
De illo manso de Bodor, ubi dicitur de Illo Perpres, medietatem quarti et oblię.
Hos igitur omnes honores sicut superius dixi et scripta habentur et sicut melius ego ipse et
antecessores mihi per quos ego habui et tenui, habere et tenere videbantur, totum et ab integro dono et
confirmo Sancto Petro in monasterio predicto Moysiaco et omnibus habitatoribus ejus, ut habeant et
possideant in perpetuum.
Hanc donationem ita habendam et tenendam Willelmus Siccherius laudavit et firmavit in manibus
et in presentia Hunaldi abbatis et Arnaldi sacristę et in presentia Oddonis Sanctę Marie et Arnaldi
Gauzberti et Oddonis clerici, et aliorum multorum hominum . 2
Facta donatio ista anno Dominicę Incarnationis M°.LXXX°.I°, mense madio, regnante Philippo
Francorum rege, Alexandro papa.
S. Ugonis Bernardi, qui hanc donationem feci et scribere mandavi. S. Bernardi de Volojul. S.
Oddonis clerici. S. Stephani clerici.
1 Rue Malaveille.
2 Renvoi en bas de la charte.
172