Cartulaire de l'abbaye de Moissac

111.
1079, [27] juillet, samedi 1
Donation par Matfred de l’alleu de Pouget dans la paroisse de Bruyères, et du mas du Masus
Dei.
A. Original perdu.
B. Copie du XVII e siècle d’après “quatre cayers de parchemin cousus ensemble contennant
vingt-quatre feuilles” (perdus), de la fin du XI e siècle: Doat 128, f. 145r-147r.
C. Analyse du XVIII e siècle, d’après une copie du début du XII e siècle, dans un fragment de
cartulaire perdu: Andurandy 603, n° 11.
B.
Sicut vestrum monumenta declarant, et modernorum permulta testamentaria dona confirmant ob
æternæ vitæ capiendam mercedem delegatum videmus de rebus propriis Christifideles sanctis locis
ibidemque Deo servientibus pro sua suorumque salute facere donationem,
ob hoc igitur ego in Christi nomine Matfredus et filii mei Siguinus et Dignebertus, cum concensu
et voluntate Raimundi Jatgarii, et filiorum ejus Arnaldi et Geraldi, cedo Omnipotenti Deo et sanctis
ejus apostolis Petro et Paulo, in monasterio Moisiaco, quod est situm in pago Caturcino super fluvium
Tarnis, ubi vir venerabilis Hunaldus abbas præesse videtur maxime congregationi monachorum, cedo,
inquam, hæreditatem meam quæ mihi successione parentum nostrorum evenit alodii jure, in loco
vulgo denominato de Illo Pojeto, 2 in parrochia de Brugerias. 3 Habet autem fines in se de una parte
hæreditatem prædicti Raimundi Ratgerii, sicut descendit per illam publicam stratam, et determinatur
usque in illam guttam defluentem, et de alia parte hæreditatem Digneberti et fratrum ejus, sicut
determinatur usque alia strata publica et ascendit usque in verticem illius montis, et pervenit juxta
hæreditatem Arnaldi de Illa Sparta 4 descendendo per illam vallem usque in eandem iamdictam
guttam, quantumcumque ego inter istos fines visus sum habere, totum ab integro, dono ab hac die et
deinceps, pro salute meæ animæ et omnium parentum meorum.
Dono autem eodem modo trahens me ipsum coram multis testibus, omnesque filios meos et filias
jure dampnationes eidem sancto Petro, et omnibus abbatibus et fratribus mutua successione in eodem
Sancti Petri monasterio Moisiaco manentibus, tam præsentibus quam et futuris, ut periuges
successiones quamdiu nos nostræque sobolis posteritas superstes fuerimus in Dei et sancti Petri et
senior in eodem monasterio de gentium fidelitate, et ea quæ summa libertas est Dei serviture
maneamus, vivamus et moriamus, confirmans itaque et ego supranominatus Raimundus Ratgerii
simul cum consensu et voluntate filiorum meorum Arnaldi et Geraldi, hanc cessionis cartam annecto,
donans eidem Sancto Petro in præfato monasterio Moisiaco illum meum mansum vulgo Masus Dei
nominatum, qui adhæret eidem prædicto alodio. Accepi autem propter istam meam firmationem seu
donationem a Geraldo Bosonis filio precium quod mihi et sibi satis complacuit, silicet quinquaginta
quinque solidos. Qui videlicet Geraldus hanc omnem donationem seu emptionem præfati honoris
causa nepotis sui cujusdamve sororis filii nomine Geraldi ad opus sancti Petri adquisivit.
Facta carta donationis istius in mense iulio, regnante Philippo rege, anno Dominicæ Incarnationis
millesimo septuagesimo nono, die sabbato, luna vicesima tertia.
Signum Matfredi, et filiorum ejus. Signum Raimundi Iatgerii, et filiorum ejus. Signum Raimundi
et fratris ejus Geraldi.
1 Datation sous toutes réserves. Le 23e jour de la lune tombe en réalité le 26 juillet 1079.
2 Pouget, lieu-dit à 4 km à l’est de Bruyères, au-dessus du Lembous.
3 Bruyères, église à 2,5 km au sud de Cazes-Mondernard.
4 Barthes Basses ? .. de Illas Parta ...
164