Cartulaire de l'abbaye de Moissac

97.
1074, septembre, mercredi
Donation par Bernard Raimond de l’église de Saint-Clar, avec oblation du fils du donateur.
A. Original perdu.
B. Copie du XVII e siècle d’après “deux cayers de parchemin .. contenans seize feuilles”
(perdus), du début du XII e siècle: Doat 128, f. 331r-333r.
C. Copie du XVII e siècle par Estiennot: BN, ms. lat. 12751, p. 778.
Edition: Müssigbrod, p. 267-268.
B.
Regnante Domino nostro Jesu Christo, anno Incarnationis ejusdem Redemptoris nostri millesimo
septuagesimo quarto, nos quidem in genere nostro nobilissimi homines Bernardus Raimundi, et
Durandus de Planhed et omnes fratres mei, et Walterius, cum consilio Raimundi Bernardi de Francs,
pro redemptione animarum nostrarum, et omnium parentum nostrorum, seu pro salute viventium et
defunctorum fidelium, cum volontate et consilio senioris nostri Oddonis vicecomitis, donamus, et in
alodii jure cedimus eidem Domino Deo nostro et sancto Petro apostolo in loco Moisiaco quod est
constructum super fluvium Tarni in pago Caturcino, ecclesiam nostram sancti Clari quæ est sita in
archiepiscopatu Auxiensi, in ea parte quæ dicitur Fedanzaguel, quæ etiam subdita est Lectoranensi
episcopo.
Dono autem præ omnibus ego Bernardus Raimundi in eodem monasterio Moisiaco alodem meum
juxta eandem ecclesiam Sancti Clari positum, quem monachi præfati monasterii Sancti Petri
Moisiacensis redemere de potestate Arnaldi Guillelmi de Asca viginti tribus solidis, et habet fines in
se ex una parte honorem de Asca, et ibi juxta est honor meus de Varazac, et juxta eum rivus nomine
Arlat, et ex altera parte est cultura Duranni, sicut descendit in fluvium qui dicitur Raz, totum quantum
inter istos fines habeo et teneo, ego aut ullus homo per me, terras, vineas, boscos, aquas, molendinos,
totum integerrime cedo in alodium in manu et præsentia Unaldi abbatis, et Atonis prioris et cæterorum
monachorum ipsius loci, ut deinceps ipsi et omnes successores eorum in prædicto loco Moisiaco
futuri habeant et teneant, et jure hæreditario in æternum possideant. Illam vero partem unam scilicet
Franctad 1 quam ego retineo de manu abbatis Unaldi et Atonis prioris, et cæterorum monachorum in
fevum, post mortem meam Sancto Petro remaneat.
Offero autem Deo et sancto Petro et omnibus in præfato monasterio Moisiaco monachis
degentibus filium meum nomine , tali quidem conventione ut si ille postquam ad intelligibilem
ætatem pervenerit voluerit monachus aut præsbiter effici, pro salute sua et mea, et secundum
voluntatem et consilium eorum voluerit se continere, pascatur et vivat in helemosina sancti Petri. Sin
autem facere noluerit, omnino ex hære de omni hæreditate mea exeat.
Facta carta ista in mense septembrio, quarta feria, luna octava, regnante Philippo rege.
S. Odonis vicecomitis. Signum Vidiani nepotis ejus. S. Vuillelmi archiepiscopi. S. Raimundi
Lectorensis episcopi. S. Bernardi Raimundi qui cartam istam scribere rogavit et propria manu
firmavit. Signum Duranni et omnium fratrum ejus. Signum Gualterii. Pontius L scripsit.
1 S’agit-il de Francantal, au nord de Homps ?
145