Cartulaire de l'abbaye de Moissac

94.
[1072/1073]
Donation par Foy, vicomtesse de Narbonne, de l’église Saint-Pierre de Sermur et d’autres biens.
A. Original perdu.
B. Copie du XVII e siècle d’après une “copie en parchemin”: Doat 128, f. 133r-135r.
C. Analyse du XVIII e siècle: Andurandy 5373.
Editions: GC 1, Instrumenta, n. XXI, p. 38; Migne, PL 159, col. 967-968; HGL, t. 5, col. 633-634;
Bousquet, p. 218-219.
Indiqué: Bernard-Bruel, t. 4, n. 3512.
B.
Noverint tam præsentes quam futuri, quod ego vicecomitissa Narbonæ nomine Fidis, in Dei nomine,
sub hac descriptione, dono Domino Deo et sanctis apostolis Petro et Paulo, et Hugoni abbati
Cluniensi, et Unaldo abbati Moissiaci et cunctis ejus succedentibus, et monasterio Moysiaco, et
omnibus ibi Deo servientibus, quamdiu locus iste in Dei servitio perstiterit, ecclesiam illam quæ
fundata est in honore beati apostoli Petri, in loco quo vulgo vocatur Sermur, super flumen Viauri, in
episcopatu Ruthenensi, ut habeant et possideant ipsam ecclesiam, cum omnibus ad eam ubi ubi
pertinentibus imperpetuum.
Dono etiam et concedo ego supradicta Fidis vicecomitissa totum montem usque in collum alterius
montis qui vocatur del Pojeth 1 a parte superiori a rivo Naosa 2 usque in Biaur, sicut ambo claudunt
ambos montes, alodem et fevum et vicariam, undique silvam quæ monti adjacet, vineas, orthos,
domos, molendinos, piscarias, fontes, ingressus et egressus.
Similiter dono caput mansum de Cesairent. 3
Hanc igitur donationem, ut firma ac stabilis perseveret, facio cum authoritate domni Petri
Ruthenensis episcopi et consilio et voluntate.
Si quis vero nostræ vel cujuslibet propinquitatis hanc nostram donationem quam ego facio pro
peccatis meis et redemptione animæ patris mei, et matris, et omnium parentum meorum, violare aut
alienare præsumpserit, inprimis iram Dei et omnium sanctorum incurrat, deinde domni Papæ illius
temporis et cunctorum fidelium, quousque resipiscat et satisfaciat, authoritate et potestate dampnetur.
Facta donatio ista in manibus supradictorum abbatum et Bernardi monachi cognomento Guillelmi,
cujus studio hoc factum est, et Vitalis clerici, anno ab Incarnatione Domini millesimo septuagesimo
septimo, regnante Philippo Francorum rege, sedis Romæ pontificatum tenente domno Alexandro
Papa. 4
Signum Fidis vicecomitissæ, quæ hanc cartam fieri jussit et testibus firmare rogavit. Signum Petri
episcopi Ruthenensis, et Pontii de Cassanas, 5 et Poncii de Panat. 6 Signum Hugonis Stephani. Amen.
1 Le Pouget, à 2 km au nord-ouest de Sermur, sur la commune de Camboulazet, de l’autre côté du Ruisseau de La Nauze.
2 La Nauze se jette dans le Viaur tout près de Sermur.
3 Le Sérayet, lieu-dit à 3 km au nord de Sermur, sur la commune de Camboulazet.
4 L’année est corrompue. Alexandre II était pape de 1061 à 1073; Philippe II, roi de France de 1060 à 1108; Hugues, abbé de
Cluny de 1049 à 1109; Hunaud, abbé de Moissac de 1072 à 1085. L’acte est donc de 1072/1073.
5 Cassagnes-Bégonhes, à 1,5 km au sud-est de Sermur (Aveyron, arr. Rodez, ch.l.c.).
6 Peut-être Villefranche-de-Panat (Aveyron, arr. Millau, canton Salles-Curan).
142