Cartulaire de l'abbaye de Moissac

93.
[1073]
Réforme canoniale de Saint-Etienne de Toulouse.
A. Original perdu.
B. Copie de la fin du XIV e siècle, d’après “quadam pulcherrima littera”, dans la Chronique
d’Aymeric de Peyrac, f. 168va-169vb.
C. Copie partielle fin XIV e siècle dans la Chronique d’Aymeric de Peyrac, f. 53rb-va.
C. Copie du XVII e siècle d’après une “copie en parchemin”: Doat 128, f. 148r-153v.
Indiqué: Bernard-Bruel, t. 4, n. 3513.
Editions: GC 13, Instrumenta, col. 7-9; Migne, PL 159, col. 981-983; Magnou.
NOTE: Il existe au moins quatre versions différentes de cet acte. Elles ont été publiées sous forme
synoptique par Elisabeth Magnou, L’Introduction de la réforme grégorienne à Toulouse (fin XI e -début XII e
siècle) (Toulouse 1958 = Cahiers de l’Association Marc Bloch de Toulouse. Etudes d’histoire méridionale,
3), Annexe n° 1.
NOTE: datation de l’acte d’après Magnou.
B.
Omne quod secundum carnem cogitatur et instabili varietate sepissime , quoad rectitudinis
statum minus in altum quemlibet consolidat: quidquid vero e regione spirituali specculacione
gerendum deliberatur, tanto alicuius concussionis manu minime queritur, quanto velle et perficere pro
bona voluntate ab illius illabitur dignacione, qui heri et hodie idem continet esse. Quare interioris
hominis contemplacionis specculam ad ipsius nostrarum sudor actionum estuat necessario gloriam;
cujus perveniente nos gracia et subsequente illuminamur in tenebris, firmamur in lubricis. Tantis vero
ac talibus ab ipsius pene crepundis infancie super aquam reffectionis educatus educacionibus, sed
actenus torpentis servi indulgens desidie, divini tandem amoris servili depulso timore perfusus
ebrietate, minimus servorum Dei servus, Tholosane urbis indignus ego Ylsarnus episcopus, sexta licet
dei hora excollandam Domini vineam tardus aggredior operarius.
Est quippe in prefata civitate, divino nutu, sine quo nec deffluit ab arbore folium, quedam ecclesia
prothomartiris Stephani, tropheis insignita, sub pastorali provisioni mee exiguitati contraditta. Que
olim vario laquearum et parietum rutilo expolito fulgore, dominice mense ornamentorum vernans
decore, copiosis prediorum facultatibus, censuumve oppinus exuberans redditibus, ecclesiis admodum
circumcirca positis populari supereminabat concursione, ut prima earum mater et sedes cunctorum
vocaretur astippullacione. Nunc autem deffensorum, pro dolor ! incuria, a tante dignitatis non ad
modicum exinanita gloria, ad tantam ecclesiastice gravem depopulacionem suorumque inoluta et
filiorum orbacionem, omnimodo de perpesa parietum magna ex parte conqueratur ruina, verum eciam
lugeat, quod divini cultus religio ac totius, nisi fallor, Dei excesserit memoria, ut merito illud sibi
qoabtetur vaticinium spiritualem, plangens ita Iherusalem destitucionem filiorum :
quomodo obscuratum est aurum, mutatus est color obtimus, dispersi sunt lapides sanctuarii in capite
omnium platearum ? 1 Volens ergo ultimus prenominate ecclesie ego prefatus filius ejusdem
condescendere desolacioni, obtentu et immunitate gloriosissimi nostri comitis domni Guillermi,
consultu eque monastice discipline propagatoris Cluniesensis abbatis Hugonis, auxiliante quoque et
cooperante reverendo Hunaldo abbate Moyssiaci [Moyssiaci], voluntate nec minus quorundam inibi
cohabitancium et spontanea dedicione clericorum, asensum vero primatum et principum prefati
comitis dicioni militancium, deliberavi divina inspiracione, non tamen sanctissimas ejusdem sedis
1 Lamentations 4,1.
139