Cartulaire de l'abbaye de Moissac

Laurentium, sicut ipsa parrochia Sancti Laurentii determinatur; et parrochia Sancti Ansberti, ita dedit
de omnibus, quę infra hos terminos ipse vel alii per eum tenere videbantur.
Et firmavit ipse, et uxor ejus, et filii ejus Raimundus et Siquerius a) .
Eadem quoque ratione Raimundo de Podiolo b) dedimus I num equum, et dedit infra hos terminos ab
ipsa Barta, et per ipsam tapiam descendendo, et in hac villa quidquit ipse vel alii per eum habere
videbantur, et ita firmavit, et debet facere fratri suo eodem modo firmare. Qui videlicet Stephanus
veniens ad mortem, cum consilio ejusdem fratris sui, Raimundi scilicet, omnem suam decimationis
partem, pro hoc ad succurrendum monachus effectus, relinquendo firmavit: de vineis scilicet Falqueti
et Arnulfi. c)
Pro hac eadem causa, Stephano de illa Valleta similiter dedimus I num equum, et ipse dedit infra hos
terminos, sicut strata publica quę ducit ad orientem, et determinatur cum terris Willelmi Sicharii, de
omnibus quę ipse vel alii per eum d) tenere videbantur, et ita firmavit ipse, et filii ejus.
Bernardo Hugoni, et fratribus ejus de Anazago, XC ta solidos, qui omnem suam quam habebant
partem decimationis e) dederunt Deo et SANCTO PETRO jure perpetuo possidendam, quantum in
parrochia Sancti Michaelis ipsi et alii per eos habere videbantur.
Similiter Gaufredus de Belpoi omnem decimationem quam habebat ipse vel alii per eum in
parrochia Sancti Michaelis pro anima sua, ipse et filii ejus dederunt sancto Petro.
Simili modo Poncius faber, in infirmitate positus, omnem decimationem suam ipse et filius ejus
dederunt sancto Petro.
Raymundus Geraldi et frater ejus omnem decimationem suam quam habebat in parrochia Sancti
Michaelis, totam ab integro dedit sancto Petro et nobis, sicut et alii suprascripti, et dedimus ei inde
XXX solidos. f)
Pro hac autem digna eorum mercede, socios fraternitatis nostrę, et participes omnium
benefactorum nostrorum dignos judicavimus esse, non solum vero illos, sed et posteros eorum per
omne jugiter evum. Decrevimus etiam pro animabus eorum post finem vitę fieri generalem
memoriam, officium scilicet decantandum, missam quoque celebriter peragendam omnibus annis in
vigilia Sancti Michaelis. g)
Facta autem hujus cessionis vel donationis carta, anno Incarnationis Dominicę MIL.LXXIII,
regnante Philypo Francorum rege, in manibus domni VGONIS Cluniensium abbatis, et domni VNALDI
abbatis, cujus providentia et dispositione hec omnia acta noscuntur, et aliorum fratrum plurimorum in
ipso MOYSIACO Deo famulantium.
Nomina autem eorum, qui hanc donationem firmaverunt, hec sunt: Bertrannus abbas secularis h)
firmavit. Bernardus Ugo et fratres ejus firmaverunt. Willelmus Sicarii, uxor et filii ejus firmaverunt.
Raymundus de Podiolo i) et alii multi firmaverunt.
Si quis autem hanc cartam juris cessionis adversariorum, vel certe filiorum, illorum qui eis
hęreditate successuri sunt, post obitum violare seu depravare vel corrumpere, sive etiam loca eadem
congredi aut depredari tentaverit, hac sorte multetur: non discedat a domo ejus plaga leprę, famis et
pestilentię, gladii ac mortis horrendę. j)1
Raimundus Willelmus dedit Deo et sancto Petro, abbati Asquitino et monachis omnibus tam futuris
quam presentibus, totum decimum de vineis quas habet in podio Sigberti in dominio, et de aliis
quamdiu in pignus tenebit. Hanc itaque donationem decit per animam matris sue Arsendis, quam fecit
monacham ad hobitum suum. Et firmavit Willelmus Sicharius adhuc puer, et debuit facere firmare
k) Sichario qui tunc temporis Iherosolimis ęrat.
Facta est donatio ista anno Dominice Incarnationis millesimo C.I°, coram multis testibus.
S. Raimundi Willelmi, qui hanc donationem fecit, et ita tenendam firmavit. S. nepotis sui Willelmi
suprascripti. S. Raimundi del Pojet. S. Teherici. S. Stephani Guilarardi, et aliorum multorum.
__________
1 Eccl. 23,12; Jr 29,17-18.
132