Cartulaire de l'abbaye de Moissac

75.
1071
Donation par Guillaume IV, comte de Toulouse, d’une partie de l’église de Blagnac.
A. Original: ADTG, G 716 (Andurandy 6134). Notice: Dufour 1972, p. 99.
Edition: F. Galabert, Album de paléographie, pl. I, n° 3.
A.
Mention dorsale ancienne: :BLANIAC:
Ego igitur in Dei nomine Wilelmus comes Tolosanus, 1 una cum consensu et voluntate Duranni
episcopi, deprecantibus et omni bona voluntate consentientibus Petro Bernardi de Caraman, necnon et
fratribus ejus Donato atque Gauzfredo, Arnaldo quoque Garsia laudante, dono Omnipotenti Deo et
sanctis ejus apostolis Petro et Paulo in monasterio Moysiaco, quod est situm in pago Caturcino super
fluvium Tarnis, æcclesiam meam de Blaniag quę est constructa in honore sancti Petri, in pago
Tolosano super ripam fluminis Garonne, tali quidem tenore ut illam solummodo partem quam actenus
predicti nobiles viri Petrus et fratres ejus Donatus et Gauzfredus ac predecessores eorum de me et de
antecessoribus meis habuerunt in fevo et sicut melius de ipsis tenuerunt Arifredus et filii ejus
Benedictus et Gauzbertus, necnon et Petrus Benedicti et alius Petrus nepos ejus, qui postea factus est
monachus, ita deincebs totum ab integro sine ullo contradictore habeant et possideant monachi
predicti monasterii Moysiacensis, tam presentes quam et futuri, servientes ibidem Deo et obsecrantes
pro salute mea et pro redemptione animarum patris mei Pontii comitis et matris męę Adalmodis, et
omnium parentum meorum vivorum et defunctorum. Et ut hec mea et predictorum virorum donatio
firma stabilisque permaneat, relinquimus ego et illi omnes census et receptus et malas consuetudines
quas ibi habuimus, ut numquam amplius quisquam successorum nostrorum aliquid inde ibi requirat.
Quod si quisquam presentium vel futurorum nostre vel alterius generationis cujuscumque
conditionis aut etatis sive postestatis contra hanc donationem insurgere temptaverit, vel vi aut aliqua
occasione usurpaverit, æternæ dampnationis impetum super se noverit esse venturum.
Ideoque manu propria corroborando subscribo, et presentes subscribunt. S. Willelmi comitis. S.
Petri Bernardi. S. Donati et Gauzfredi fratrum ejus. S. Arnaldi Garsię. S. DOMNI DURANNI episcopi,
in cujus presentia et manu facta sunt hæc.
Facta donatio ista anno ab Incarnatione Domini M.LXX.I., presidente Romanę sedi apostolice
papa Alexandro, Francorum autem principatum regente rege Phylippo.
1 Guillaume IV, comte de Toulouse. En 1098, Blagnac a été donné à Saint-Sernin par Guillaume IX, duc d’Aquitaine, et son
épouse Philippa, pendant l’occupation du comte de Toulouse par les Aquitains. Lire : Didier Panfili, Aristocraties
méridionales. Toulousain-Quercy XI e -XII e siècles (Rennes 2010), p. 63.
115