Cartulaire de l'abbaye de Moissac

73.
1067, 11 avril
Donation par Foulques et ses neveux Raymond et Guillaume de l’abbaye d’Eysses.
A. Original: ADTG, G 744 (Andurandy 6825).* Notice: Dufour 1972, p. 99.
B. Mentionné fin XIV e siècle dans la Chronique d’Aymeric de Peyrac, f. 158rb.
C. Copie du XVII e siècle d’après un “cayer de huit feuilles de parchemin couvert d’une feuille
aussi de parchemin” (perdu), du début du XII e siècle: Doat 128, f. 79r-81r.
D. Copie du XVII e siècle par Estiennot: BN, ms. lat. 12773, p. 55-56.
E. Analyse du XVIII e siècle: Andurandy 615.
F. Analyse du XVIII e siècle, d’après une copie du début du XII e siècle dans un fragment de
cartulaire perdu: Andurandy 604.
A.
Mention dorsale ancienne: Exiensis
GRATIA DIVINITATIS OMNIPOTENTIS DEI NVLLI DVBIVM, QVIN CVNCTA QVÆ DARI POSSVNT PERDITVI
POST LAPSVM AD PRISTINVM VALITVDINIS STATVM POSSE REVERTI. QVA CERTITVDINE FIDEI
perpetuitatis eternæ nutu omnis caro fida reddita. Non solum de bono in melius erigi, verum etiam
post corruptionem pravitatis a malo in meliorationis studio ad nisum surgere elaborat. hujus igitur
fidei vigore corroboratus, ego in Christi nomine Fulco cuncta quæ mei juris, meæque generositatis
actenus extiterunt, ad emendationem inhianter venire desidero.
Idcirco noverint volo tam presentes quam et futuri, in quorum manibus hęc pagina cessionis
devenerit, quod ego et mei nepotes filii scilicet Willelmi fratris mei, id est Raimundus et Willelmus et
consobrini eorum, videlicet Raimundus et Tidbaldus, cedimus in predii jure Christo Domino, et
sanctis ejus apostolis Petro et Paulo, ac loco Cluniaco, necnon domno Hugoni abbati, cunctisque suis
successoribus, monasterium quoddam Ixis vulgo denominatum, cum omni honore qui in possessione
illius monasterii videtur esse, vel in futuro Deo volente locus ille acquisiverit, scilicet ecclesias, villas,
terras et vineas, aquas aquarumque decursus, cum pratibus. Est autem illud monasterium illud in
Aginnensi pago situm, in honore sanctorum martyrum Gervasii et Protasii olim constructum, quod
quoque prefato loco Cluniaco subicimus perpetuo ordinandum, ita sane ut ad nutum et velle presentis
abbatis domni Hugonis, et omnium successorum ejus abbatum ab abbatibus et fratribus sancti Petri
Moysiacensis coenobii, quamdiu sicuti ad presens fideli atque amicabili subiectione prefato loco
Cluniaco inheserint sepedictus locus Ixis et omnis honor sibi subditus secundum ordinem et
consuetudinem loci Cluniensis ordinetur atque regatur.
Et ut hęc cessionis meæ donatio stipulatione firma iugiter maneat, hanc descriptionis cartam,
manu, ore, voluntate confirmo, subscriptisque nominatim parentibus meis corroborare legitime coram
testibus facio.
Sig+ Fulconis. S. Willelmi episcopi. Sig+ Raimundi, et fratris ejus Willelmi. S. Bertranni, et fratris
ejus Gauzberti. Sig+ Raimundi, et fratris ejus Tidbaldi.
Facta descriptio hęc in mense aprilis, data sub die III idus ejusdem mensis, anno Incarnationis
Domini M.LXVII.
113