Sinjoro Tadeo - Cindy
Sinjoro Tadeo - Cindy
Sinjoro Tadeo - Cindy
- TAGS
- sinjoro
- tadeo
- cindy
- cindymckee.com
Create successful ePaper yourself
Turn your PDF publications into a flip-book with our unique Google optimized e-Paper software.
(42) Aŭdiloj — oreloj de leporo; saltiloj — piedoj de leporo laŭ pola lingvo ĉasista<br />
(43) Vergilio, vidu rimarkon 41 sur p. 118<br />
(44) Dido, filino de la reĝo de Tiro , devigite forlasi la patrujon venis sur la bordon de Afriko, kie ŝi<br />
elpetis ĉe la reĝo tiom da tero por fondo de sidejloko, kiom kovros bova felo. La reĝo konsentis; tiam<br />
Didio tranĉis la felon en maldikajn strietojn kaj ĉirkaŭzonis per ili grandan spacon, sur kiu ŝi<br />
konstruis la urbon Kartago. — Vojski eraris parolante, ke li legis tion en verkoj de Vergilio, ĉar ĉi tiu<br />
priskribo, kvankam Vergilio multe parolas pri Didono, ne troviĝas en lia Eneido. La maljunulo<br />
verŝajne sciiĝis pri tio el iaj klarigoj al la Eneido<br />
(45) Skuiĝanta veturileto<br />
Libro kvina — Kverelo<br />
Ĉasistaj planoj de Telimeno — La ĝardenistino ironte en grandan mondon aŭskultas instruojn<br />
de la zorgantino — Refoja renkontiĝo en la Sanktejo de meditado kaj paciĝo faciligita pere de<br />
formikoj — Ĉe la tablo komenciĝas diskuto pri la ĉasado — Rakonto de Vojski pri Rejtan kaj la<br />
duko de Nassaŭ estas interrompita — Komenco de pacaj traktatoj inter la partioj estas ankaŭ<br />
interrompita. — Aperaĵo kun ŝlosilo — Kverelo — Grafo kun Gervazo faras militan<br />
interkonsiliĝon<br />
Vojski, laŭde fininte ĉason, al hejm' venas;<br />
Telimen', en soleca domo, entreprenas<br />
Ĉason. Vere ŝi sidas senmove, kvietas,<br />
Kaj la brakojn sur brusto krucforme kunmetas,<br />
Sed pense ŝi postkuras du bestojn, rimedon<br />
Serĉante, kiel ambaŭ kapti en posedon:<br />
Grafon kaj Tadeuŝon. Grafo estas vere<br />
<strong>Sinjoro</strong>, heredanto riĉa, juna, bela,<br />
Jam ekaminta! Tamen ĉu restos fidela?<br />
10 Ĉu li edziĝi volos? Ĉu amas sincere?<br />
Ŝi estas pli aĝa kaj neriĉa virino!<br />
Kion diros parencoj, la mondo en fino?<br />
Telimen' tiapense el sofo leviĝis,<br />
Stariĝis piedfingre: ŝajne plikreskinte,<br />
Malkovris iom bruston; flanken fleksiĝnte<br />
Ŝi mem sin rigardis atente per okuloj<br />
Kaj pri konsil' demandis ree en spegulo,<br />
Poste mallevis frunton, sopire sidiĝis.