Sinjoro Tadeo - Cindy
Sinjoro Tadeo - Cindy
Sinjoro Tadeo - Cindy
- TAGS
- sinjoro
- tadeo
- cindy
- cindymckee.com
Create successful ePaper yourself
Turn your PDF publications into a flip-book with our unique Google optimized e-Paper software.
En espero, ke ankaŭ mem li aŭdos ion.<br />
Post kverel' hieraŭa, leviĝis matene,<br />
Pri si mem nekontente, ĉiuj malserene.<br />
60 Vane Vojski-idino kabalon proponas,<br />
Vane oni al viroj ludokartojn donas:<br />
Neniu volas ludi, distriĝi; silente<br />
Viroj fumas, virinoj trikas diligente;<br />
Eĉ muŝoj dormas.<br />
Vojski klakilon forĵetis.<br />
En kuirejon el la silentej' kuretis.<br />
Tie, de domestrino kriojn li aŭskultis<br />
Kaj kiel kuiristo helpantojn insultis;<br />
Ĝis fine lin ekregis agrabla revado,<br />
Ĉe movo de rostiloj, rostaĵoj-turnado.<br />
70 Sin ferminte en ĉambro skribis la Juĝisto<br />
Ekde maten'; sur sojlo atendis Vokisto.<br />
Juĝist' invokon finis, al Protazo plendon<br />
Kontraŭ Graf' laŭte legas, koncerne ofendon<br />
De honoro nobela, per insultaj vortoj,<br />
Kaj kontraŭ la Ŝlosisto pro batoj, perfortoj;<br />
Pro minac' ambaŭ ilin, pro kosto afera<br />
Meti en traktregistron (1) ĉe l' juĝo supera;<br />
80 Invokon komuniki buŝe; memkomprene<br />
Antaŭ sunosubiro — Vokisto solene<br />
Streĉis aŭdon kaj manon; li antaŭ invoko<br />
Staris grave, sed ĝoje li saltus en loko:<br />
Ĉe penso pri proceso, li june sin sentis,<br />
Kiel li antaŭ jaroj invokojn prezentis,<br />
Por ricevi tuberon, sed riĉe pagitan.<br />
Tiel soldato, kiu pasigis militan<br />
Vivon, maljune ĝuas hospitalkvieton,<br />
Ekaŭdas malproksime tamburon, trumpeton,<br />
Krias sonĝe el lito: "Moskvuloj, batalo!"<br />
Saltas per ligna kruro el la hospitalo,<br />
90 Ke lin apenaŭ kapti povas la flegisto.<br />
Protazo tuj surmetis veston de Vokisto.<br />
Tamen li nek ĵupanon, nek kontuŝon prenas:<br />
Al granda juĝparado ili apartenas;<br />
Por vojaĝo lin vestas: rajdopantalonoj<br />
Kaj jako, kies baskojn pere de butonoj<br />
Oni faldas supren, aŭ al genu' pendigas;<br />
Ĉapon kun orelumoj, laĉo supre ligas:<br />
Bona veter' por levo, pluve por surtiro.