Laqgha nru 5 li saret nhar il-11 - Lc.gov.mt

MINUTI
KUNSILL LOKALI ŻURRIEQ
IS-SEBA’ LEĠISLATURA
LAQGĦA NUMRU ĦAMSA
11ta’ LULJU, 2012
Il-Kunsill Lokali Żurrieq iltaqgħa fl-Uffiċċju Amministrattiv tiegħu li jinsab flindirizz
Ċentru tal-Komunita Joe Cassar, Triq Pietru Pawl Saydon, Żurrieq fis-
6.30ta’ filgħaxija.
PREŻENTI
Is-Sindku s-Sur Ignatius Farrugia u l-Kunsilliera s-Sinjura Rita Bellizzi, is-Sur Joseph
D’Amato, Dr Claudio Zammit, s-Sur Dino Bonnici, s-Sur Vincent Anthony
Marmara, is-Sur Pierre Farrugia, is-Sur Raymond Grixti, s-Sinjorina Saverina
Farrugia u s-Sur Kevin Sam Farrugia.
SKUŻATI
Il-Viċi Sindku Rita Grima infurmat li kienet ser tkun imsiefra.
UFFIĊĊJAL PREŻENTI
Is-Segretarju Eżekuttiv Josianne Cilia Mumford.
MINUTI
Is-Sindku ppreseda l-laqgħa.
5.1 Kunsiderazzjoni u Approvazzjoni tal-Minuti
5.1.1 Fir-rigward ta’ punt 4.1.1/2 il-Kunsillier Dino Bonnici qal li l-proċess
biex il-Kunsill ikollu risposta fuq id-devoluzzjoni tal-artijiet imsemmija,
miexi u fil-futur qarib il-Kunsill għandu jiġi nfurmat.
5.1.2 Fir-rigward ta’ punt 4.1.3 il-Kunsillier Dino Bonnici qal li l-Kunsill
għamel it-talba tiegħu lid-Dipartiment tal-Artijiet minflok lid-
Dipartiment tal-Kunsilli Lokali. Hu żied jgħid li għalhekk waqaf ilproċess.
Is-Segretarju Eżekuttiv għandha tivverifika dan il-fatt u jekk hu hekk
tibgħat it-talba lid-DLG.
5.1.3 Kien hemm qbil li jsir appuntament mas-Sur Ray Bezzina mill-MRRA kif
___________________________________________________________________________
Minuti Seduta 05-07
1

kien miftiehem fl-aħħar seduta.
5.1.4 Fir-rigward ta’ punt 4.1.3 il-Kunsillier Saverine Farrugia qal li meta
ssuġġeriet li fuq l-art ta’ Triq Gervaze Matthew isir swimming pool
riedet tissuġġerixxi ukoll li s-Sindku taż-Żurrieq jitkellem ma’ Sindki
oħra tal-irħula viċin biex joħorġu parti mis-somma tal-ispejjeż involuti,
sabiex is-swimming pool ikun jista jiġi użat mir-residenti tad-distrett
kollu.
Il-Kunsillier Rita Bellizzi għamlet suġġeriment biex il-Kunsill jikteb lill-
Kunsill Malti għall-isports ħalli jinkorpora swimming pool fil-kumpless
sportiv ta’ Ħal Kirkop, biex b’hekk ikun hemm il-faċilitajiet kollha flistess
akwata. Kien hemm qbil fuq dan is-suġġeriment.
5.1.5 Fir-rigward ta’ punt 4.1.7 il-Kunsillier Dino Bonnici staqsa jekk il-Kunsill
kienx ivverifika li l-ġnien fi Triq Carmelo Caruana kellux diġa isem
‘Ġnien Carmelo Caruana’ qabel ma’ din il-leġislatura tatu l-isem ‘Ġnien
l-Emigranti Żrieraq’.
Wara diskussjoni kien hemm qbil li l-Kunsill jiċċekja mal-Kumitat
Ismijiet tat-Toroq jekk tali ġnien kienx diġa imsemmi u f’seduta oħra
titressaq ir-risposta.
5.1.6 Fir-rigward ta’ punt 4.1.10 il-Kunsillier Vincent Marmara qal li lammont
ta’ €3,000 għadhom ma tħallsux mill-Kunsill u din is-somma
ser tonqos minħabba l-fatt li kien hemm aktar Kunsilli Lokali li kienu
interessati li jipparteċipaw fil-proġett.
Il-Kunsillier Vincent Marmara qal li ċċekja fuq il-programm ‘Nista’ li qed
jissemma fuq il-media bħalissa u mill-informazzjoni li għandu hi li
‘Nista’ ma jipprovdiex servizz lin-nisa biex jingħataw skills biex jergħu
jidħlu fid-dinja tax-xogħol imma jingħataw biss informazzjoni. Din hi
kampanja informattiva biss. Hu poġġa fuq il-mejda write up li jinsab fissit
tal-ETC li tikkonferma dan. Dok 1 Mehmuż.
Il-Kunsillier Vincent Marmara żied jgħid li punt 4.1.10 paragrafu 4
għandu jiżdied miegħu dan il-kliem ‘Hu żied jgħid li l-fondi huma
maħruġin bl-appoġġ tal-Gvern stess u b’hekk la dan hu l-każ, sinjal li l-
Gvern b’dawn il-fondi qiegħed jipprova jipprovdi xi ħaġa aħjar u aktar
diretta. Infatti b’dan il-fond, in-nies ser ikunu qegħdin jibbenefikaw li
jkollhom aktar skills biex jerġgħu jmorru lura għad-dinja tax-xogħol
mill-aspett prattiku.’
Kien hemm qbil fuq dan.
___________________________________________________________________________
Minuti Seduta 05-07
2

5.1.7 Fir-rigward ta’ punt 4.1.15 il-Kunsillier Joseph D’Amato qal li l-aħar
sentenza tal-paragrafu għandha tinqara hekk: ‘Hu żied jgħid li lgħaqdiet
għandhom japprezzaw dawn l-inizjattivi li l-Kunsill Lokali qed
iressqilhom.’
Kien hemm qbil fuq dan.
5.1.8 Fir-rigward ta’ punt 4.8.1 il-Kunsillier Claudio Zammit qal li ried jiċċara
illi l-Kunsill ta’ Morphu dejjem stieden rap-preżentant tal-Kunsill, iżda
din is-sena biss stieden speċifikament lis-Sindku. Il-Kunsillier Claudio
Zammit staqsa jekk is-Sindku tkellimx mal-Kunsillier minn Morphou fuq
li jixtiequ jitilgħu żewġ Kunsilliera oħra miegħu.
Is-Sindku kkonferma li kellu komunikat mal-Kunsillier minn Morphou
fejn ġie nfurmat li minħabba r-riċessjoni l-Kunsill ta’ Morphou mhux
lest li jħallas jospita aktar minn persuna waħda.
5.1.9 Fir-rigward ta’ punt 4.9.1 il-Kunsillier Rita Bellizzi qalet li rat xi taljani
jieħdu ir-ritratti tal-pittura ta’ Mattia Preti li tinsab fil-knisja parrokjali.
Il-Kunsillier Claudio Zammit qal li prova jikkomunika ma’ Giuseppe
Valentino imma dan ma wiġiebx għall-korrispondenza mibgħuta, imma
fil-frattemp qed jipprova jikkomunika ma’ persuna oħra fuq l-istess
każ. Hu żied jgħid li kif ikollu xi tip ta’ żvilupp iressqu f’seduta tal-
Kunsill.
5.1.10 Fir-rigward ta’ punt 4.11.1 il-Kunsillier Joseph D’Amato qal li Triq Ħal
Far u Triq il-Pluvieri hu obbligat li jagħmilhom il-gvern għax jinsabu fi
stat ta’ aktar minn 70% ħsara u għalhekk iridu jinbnew mill-ġdid. Dan
l-istat kien hekk minn mindu t-toroq ġew f’idejn il-Kunsilli Lokali.
5.1.11 Fir-rigward ta’ punt 4.12.1 fil-lista ta’ dawk li attendew għal-laqgħa tal-
Bye law fuq il-posters kien hemm preżenti ukoll il-Kunsillier Dino
Bonnici li bi żvista ma tniżżilx.
Kien hemm qbil fuq dan.
Kien hemm qbil li wara l-festi l-għaqdiet kollha taż-Żurrieq ikunu
infurmati bil-proċess tal-bye law u jiġu nfurmati ukoll il-pulizija biex
jonoraw il-liġi. Kien hemm qbil ukoll li jinġab avviż fuq dan ir-rigward,
fil-Kunsill News li jmiss.
5.1.12 Fir-rigward ta’ punt 4.15.1 Is-Sindku Ignatius Farrugia nforma lil dawn
preżenti li l-laqgħa li kien ser jorganizza l-BOV b’kollaborazzjoni mal-
Kunsill, għas-sidien tan-negozji ser issir aktar tard. Il-Kunsill ser ikun
infurmat b’dan.
___________________________________________________________________________
Minuti Seduta 05-07
3

5.1.13 Fir-rigward ta’ punt 4.15.12 il-Kunsillier Dino Bonnici qal li l-fun run
kienet organizzata miż-Żurrieq Wolves.
Il-Kunsillier Dino Bonnici qal li fir-rigward ta’ punt 4.15.13 hu u l-
Kunsillier Claudio Zammit kellhom laqgħat fejn Dr Claudio Zammit
għen sabiex jitfassal ftehim biex jipprovdi għall-kooperazzjoni bejn iż-
Żurrieq Wolves u l-Kunsill għat-tliet snin li ġejjin.
Iż-Żurrieq Wolves qablu ma’ dan il-ftehim (draft).
Dawn il-punti tressqu fuq il-mejda għall-informazzjoni tal-Kunsill.
Mehmuż Dok 2. Kien hemm qbil li jiġi ffirmat mill-Kunsill.
5.1.15 Fir-rigward ta’ punt 4.15.15 kien hemm qbil li ir-reserved parking flisqaq
il-Fjuri jitneħħa hekk kif kien maqbul fl-aħħar seduta u minflok
isir parking bay bajda li tkun riservata għar-residenti biss. It-Tabella li
hemm barra mill-isqaq trid tinbidel għal waħda li taqra ‘except for
residents’
Kien hemm qbil fuq dan.
Il-Kunsillier Kevin Sam Farrugia nforma lil dawk preżenti li tkellem mas-
Sur Gerald Farrugia li għandu residenza fil-bidu tal-isqaq fejn aċċetta li
jitwaħħal railing tal-ħadid galvanizzat mar-residenza tiegħu biex dawk
li jużaw l-isqaq ikunu jistgħu jżommu miegħu.
Kien hemm qbil li tali railing jiġi ordnat.
5.1.16 Il-minuti ta’ seduta 4 ġew approvati.
5.2.1 Is-Sindku għamel mozzjoni fejn ġiet issekondata mill-Kunsillier Joseph
D’Amato u maqbula minn dawk preżenti li jiġu diskussi punti 7 u 8
qabel punt 2 minħabba li kien preżenti l-accountant tal-Kunsill.
5.7/8 Quarterly Report – 2nd quarter – fil-preżenza tal-Accountant tal-
Kunsill
5.7.1 Is-Segretarju Eżekuttiv qassmet ir-rapport finanzjarju tat-tieni kwart li
kien ħejja l-accountant u f’dan il-ħin s-Sur Mifsud spjega l-proċedura
ta’ dan ir-rapport u fiehem il-proċess tal-accounts fil-Kunsill.
Irrisponda l-mistoqsijiet li sarulu mill-Kunsilliera u r-rapport ġie
approvat.
5.2 Approvazzjoni tal-Minuti tal-Laqgħa Kumitat Amministrattiv ta’
Bubaqra.
5.2.1 Fir-rigward ta’ punt 28.3.1 is-Segretarju Eżekuttiv qalet li intbagħtet
___________________________________________________________________________
Minuti Seduta 05-07
4

email lill-Onorevoli Ministru Tonio Borg fuq id-dewmien ta’ ħsarat li
qed ikun hawn fiż-Żurrieq u fit-tweġiba minn uffiċċjal tal-WSC kien
spjegat li l-lista li tressqet ġiet imsewwija kollha sal-lum stess.
Kien hemm qbil li tintbagħat persuna mill-ħaddiema assenjati mal-
Kunsill u jiċċekjaw jekk tali xogħlijiet sarux.
Il-Kunsill approva il-minuti numru 28 tal-Kumitat Amministrattiv ta’
Bubaqra.
5.3 Approvazzjoni tal-Minuti tas-Sotto Kumitat Żgħażagħ u Edukazzjoni
5.3.1 Il-minuti tas-Sotto Kumitat Żgħażagħ u Edukazzjoni ġew approvati.
5.4 Kommunikazzjoni mis-Sindku
5.4.1 Is-Sindku Ignatius Farrugia feraħ lill-Kunsillier Dino Bonnici u lit-tim
tiegħu peress li kienu huma li rebħu t-tournament tal-football li sar fliskola
fil-weekend li għadda organizzat miż-Żurrieq Futsal Club.
5.4.2 Is-Sindku Ignatius Farrugia qal li fl-attivita’ li għamel il-Kunsill bi ftehim
mal-ħanut ‘My Meat & Fruit’ inġabret is-somma ta’ €1,500 b’risq it-tfal
tal-kunvent Santa Teresa fin-Nigret. Hu qal li din l-attivita’ kienet
suċċess u apprezzata mis-sorijet.
Il-Kunsillier Dino Bonnici qal li hu ma kienx infurmat li l-attivita’ kellha
issir mill-Kunsill, imma kien infurmat biss bl-istedina. Hu żied jgħid li l-
Kunsill imissu kien infurmat minn qabel li ser tidher l-arma tal-Kunsill
fuq l-inviti u għalhekk il-Kunsill deher li kien qed jagħmel l-attivita’ hu.
Kien hemm qbil fuq dan.
5.4.3 Is-Segretarju Eżekuttiv ġibdet l-attenzjoni tal-Kunsill fuq ittra li l-Kunsill
irċieva mingħand is-Soċjeta Mużikali Santa Katarina VM fejn talbu li
gabbana minn Triq il-Qrendi tiġi spustjata f’post alternattiv biex
minflokha jitpoġġa l-container tal-festa.
Kien hemm qbil li minħabba li l-Kunsill diġa alloka l-postijiet lis-sidien
tal-gabbani dan ma jistax isir.
Fl-istess ittra s-Soċjeta’ talbet biex il-Kunsill ma jagħtix permessi għal
gabbani fi Triq Don Carlo De Giovanni Inglott waqt l-attivita’ li ser tkun
organizzata mis-Soċjeta stess nhar it-23 u l-24 ta’ Awwissu.
Kien hemm qbil fuq dan.
5.4.4 Is-Segretarju Eżekuttiv irreferiet għat-tieni ittra li l-Kunsill irċieva
___________________________________________________________________________
Minuti Seduta 05-07
5

mingħand l-istess Soċjeta’ fejn talbet permess biex tpoġġi bar waqt ilġimgħa
tal-festa ta’ Santa Katarina VM.
Kien hemm qbil li l-Kunsill jitlob aktar informazzjoni – eż: it-tul ta’ bar li
qed jipproponu li jgħamlu, x’ser jinbiegħ f’dan il-bar u l-post eżatt li
jriduh. Din it-talba terġa tiġi diskussa f’seduta oħra meta l-Kunsill
ikollu l-informazzjoni mitluba.
5.4.5 Is-Segretarju Eżekuttiv ġibdet l-attenzjoni fuq email li l-Kunsill irċieva
mingħand is-Segretarju Eżekuttiv tal-Reġjun Nofsinhar fejn talab lill-
Kunsill jidentifika ammont ta’ sigħat u l-postijiet li l-Kunsill jixtieq li
fihom jitħaddmu l-eco wardens.
Kien hemm qbil li l-Kunsill jistaqsi kemm ser jiġu jiswew l-eco wardens
qabel ma jagħti tali informazzjoni.
5.4.6 Is-Segretarju Eżekuttiv qalet li ġabret żewġ kwotazzjonijiet fuq plakek
tal-granit għall-ismijiet tal-ġonna u l-orħos stima kienet ta’ Patrick
Camilleri li tammonta għal €410 inc. Vat. Mehmuż Dok 3.
Kien hemm qbil li jiġi ċċarat jekk b’dan il-prezz hux granit jew irħam u
kif ħa jsiru l-ittri fuq l-irħam. Jekk il-prezz hu ta’ Granit il-Kunsill
għandu jmexxi bl-orħos stima.
5.4.7 Is-Segretarju Eżekuttiv staqsiet jekk għall-festi l-Kunsill hux ser jordna
Pulizija extra biex jissorveljaw il-permessi tal-gabbani u l-bars.
Kien hemm qbil li l-Kunsill ma jordnawx pulizija extra.
Kien hemm qbil li ssir laqgħa mal-ispettur biex il-Kunsill juri iddiżapprovazzjoni
tiegħu fuq il-parkeġġ ħażin li jkun hemm f’Misraħ
Repubblika.
Il-Kunsillier Claudio Zammit qal li meta hu kellu laqgħa mal-ispettur
kien irreferih għal dawn il-problemi imma l-problemi għandhom
eżistenti sal-lum.
Il-Kunsillier Joseph D’Amato ġibed l-attenzjoni għall-possibilita’ li ssir
camera li taqbad lil min jipparkja ħażin, bħal ma teżisti f’Rahal Gdid.
Il-Kunsillier Claudio Zammit qal li f’leġislatura preċedenti kien diġa’
għamel taħdidiet mal-kumpanija tal-gwardjani ta’ dakinhar u kienu
diġa’ spjegawlu l-proċedura sabiex issir ‘dome camera’ fil-pjazza. Ser
jerġa’ jiċċekkja mill-ġdid x’inhi l-proċedura u jikseb aktar informazzjoni.
___________________________________________________________________________
Minuti Seduta 05-07
6

5.4.8 Is-Segretarju Eżekuttiv qalet li fil-ġnien ta’ Carmelo Caruana kien
hemm see saw imkissra u din ġiet maqlugħa biex ma tkunx ta’ periklu
għat-tfal. Hi żiedet tgħid li talbet stimi ta’ see saw u l-orħos stima
kienet ta’ €1,100.
Kien hemm qbil li sa kemm jgħaddu l-festi tar-raħal ma jsir xejn ħalli
ma jkunx hemm vandaliżmu fuqha u wara l-festi dan il-punt jerġa
jitqajjem.
5.4.9 Is-Segretarju Eżekuttiv qalet li l-fanali ta’ quddiem il-knisja għadhom
ma twaħħlux minħabba li t-tender kienet tgħid li l-fanali jridu jkunu
suwed u dawk li ġew kienu ħodor.
Is-Sindku qal li minħabba l-armar tal-festi, ta l-ordni biex il-parti ta’ fuq
tal-fanali li għandhom jinbidlu jinqalgħu minn posthom ġaladarba ma
jinxtgħelux.
Kien hemm qbil li l-Kunsill jikteb lill-kuntrattur li ħa t-tender biex jibdel
il-fanali minn ħodor għal suwed skond l-ordni tal-Kunsill.
5.4.10 Is-Segretarju Eżekuttiv infurmat li l-Perit Bezzina bagħat ittra fejn
informa li biex jitkompla l-proġett ta’ Ħal Millieri hemm bżonn li ssistema
tal-elettriku trid issir minn taħt l-art. Biex dan isir il-Kunsill ser
jonfoq total ta’ €8,301.04 li tinkludi l-istima tal-Enemalta u t-tpoġġija
tal-cables li ser issir minn Camray Co Ltd. Mehmuż Dok 4.
Kien hemm qbil li ġaladarba x-xogħol irid isir, il-Kunsill irid iħallas għasservizz.
Kien hemm qbil li tingħata l-ordni għax-xoghol.
Kien hemm qbil ukoll li s-Segretarju Eżekuttiv tistaqsi lill-Perit jekk
hemmx bżonn li x-xogħol isir bit-3 phase.
5.4.11 Is-Sindku qal li kellu talba biex il-ħwienet ta’ Vjal il-Blue Grotto mannaħa
tax-xellug int u ħiereġ miż-Żurrieq iridu jarmaw l-imwejjed barra
u jgħalqu s-service road.
Kien hemm qbil li tali talba issir lil-MTA. Kien hemm qbil ukoll li l-ebda
garaxx ma jkun ostakolat u li t-triq ma tingħalaqx.
5.4.12 Is-Sindku qal li l-post tat-tribunal fi Triq Matteolo Saliba mhux ser jibqa
jintuża. Kien hemm qbil li s-Sindku jitkellem ma’ sid il-garaxx u
jistaqsih jekk hux lest li jistenna milli jikrieh sakemm il-Kunsill jirċievi
konferma jekk l-uffiċċju tas-Servizzi Soċjali hux ser jieħu post ittribunal.
5.4.13 Kien hemm qbil li tinxtara pompa għall-funtana ta’ Vjal il-Blue Grotto,
mingħand il-Kumpanija AFS ta’ Attard basta ma taqbiżx l-ammont ta’
€1,100. Jekk hu possibbli din il-pompa għandha tiġi nstallata qabel il-
___________________________________________________________________________
Minuti Seduta 05-07
7

festi tar-raħal.
5.5 Mozzjoni 1/2012 – Imressqa mill-Kunsillier Joseph D’Amato u
ssekondata mill-Kunsillier Dr Claudio Zammit
5.5.1 Il-Kunsillier Joseph D’Amato qal li jekk isiru t-toroq proponuti, il-Kunsill
jiffranka l-patching u jsebbaħ l-akwata tan-Nigret. Dan ikun
inkorporat mal-proġett li ser jibda l-Kunsill fuq il-Houseing Estate.
Il-Kunsillier Joseph D’Amato qal li qed jipproponu li x-xogħol isir bilkuntrattur
li għandu it-Tender ‘Resurfacing of roads’ u mhux bilkuntratt
tal-PPP. Dan sabiex il-Kunsill jifranka l-flus għax il-kuntratt tal-
PPP hu aktar għoli u l-kuntrattur li ħa t-tender tal-PPP ma jridx ikompli
jaħdem bil-prezzijiet tat-tender li ħa.
Il-Kunsillier Claudio Zammit qal li l-mozzjoni għandha fiha nfisha lgħanijiet
għalfejn ġiet imressqa u m’għandux x’hemmx x’jiżdied marraġunijiet
hemm imsemmija.
Kien hemm qbil unanimu mal-mozzjoni imressqa u s-Segretarju
Eżekuttiv ġiet ordnata biex tikkuntatja lill-Perit William Lewis joħroġ listimi
tat-toroq biex il-Kunsill ikun jista jipproċedi mmedjatament.
5.6 Mozzjoni 2/2012 – Imressqa mill-Kunsillier Joseph D’Amato u
ssekondata mill-Kunsillier Dr Claudio Zammit
5.6.1 Kien hemm qbil unanimu mal-mozzjoni mressqa.
Il-Kunsillier Dino Bonnici staqsa fuq id-disinn li kellu l-Kunsill
f’leġislatura preċedenti.
Il-Kunsillier Joseph D’Amato qal li jaqbel li d-disinn origniali jiġi esklus
minħabba li hu kkumplikat wisq.
Kien hemm qbil li l-funtana tkun moderna u b’disinn sempliċi biex ma
jkunx hemm il-bżonn ta’ ħafna manutenzjoni.
Kien hemm qbil li s-Segretarju Eżekuttiv tipproċedi billi toħroġ talba
għal-stimi fuq il-ġurnali u tali stimi jitressqu fil-Kunsill ħalli jiġi approvat
id-disinn.
5.9 Aġġudikazzjoni tat-tender – Tender for upgrading of Housing Area at
Misraħ il-Karmelitani, Zurrieq.
5.9.1 Is-Segretarju Eżekuttiv poġġiet għall-attenzjoni tal-Kunsill ir-rapport ta’
aġġudikazzjoni li ħejja il-Perit Bezzina fejn dan ġie approvat u maqbul.
Għalhekk kien hemm qbil li x-xogħol jieħdu l-Kuntrattur Charlo Grech
___________________________________________________________________________
Minuti Seduta 05-07
8

fuq il-kriterja li kien l-orħos offerent u li kellu d-dokumenti kollha
neċessarji. Mehmuż dok 5.
Il-Kunsillier Joseph D’Amato qal li il-Kunsill ma jridx jinsa li barra ittoroq
il-Kunsill kien ikkommetta ruħu li jagħmel is-servizz ta’ Wifi flakwati
u korsijiet edukattivi għar-residenti tal-blokk flats fi Triq Xandru
D’Amato u Triq Wied Babu. Qal ukoll illi għandhom jingħataw avviżi lil
dawn in-nies, dwar il-korsijiet edutattivi li l-Kunsill ħa jkun qed
jorganizza.
Il-Kunsillier Claudio Zammit qal li jkun utli li minn issa jinħarġu s-sejħiet
għall-offerti/stimi għal servizz tal-Wifi fl-akkwati sabiex dan is-servizz
ikun inkluż fil-budget li qed toffri l-Awtorita’ tad-Djar. Kien hemm qbil
li jiġi kkuntattjat persuna teknika f’dan il-qasam sabiex jara x’inhu
meħtieġ. L-area tal-wifi għandha tkopri l-iktar fejn hemm il-bankijiet
fuq barra sabiex l-internet ikun aċċessibbli minn fuq il-bankijiet.
5.10 Aġġudikazzjoni tat-tender – Tender for Cleaning and Clearing of Non
Urban Roads.
5.10.1 Is-Segretarju Eżekuttiv ressqet il-lista ta’ kuntratturi bil-prezzijiet li
offrew għal din it-tender.
Christopher Bezzina Gaetano Galea
Item 1 - €0.23 €0.28
Item 2 - €0.40 €0.28
Item 3 - €1.50 €15
Item 4 - €0.50 €0.28
Item 5 – free + free babcot(gaffa) Free
Is-Sindku ppropona li x-xogħol jingħata lill-Gaetano Galea fuq il-mertu
li jaf li jista jagħti servizz tajjeb.
Il-Kunsillier Dino Bonnici qal li skond il-kundizzjonijiet ta’ dan it-tender,
dan huwa tender li bilfors irid jingħata lill-orħos offerent.
Il-Kunsillier Raymond Grixti qal li bil-prezz li offra Bezzina ma jistax ikun
li ser jagħmel xogħol tajjeb. Qal ukoll li l-prezz li ta’ Bezzina bilfors li
huwa żbaljat.
Il-Kunsilliera Joseph D’Amato qal li mhux ġustifikabbli li l-Kunsill
jagħżel lil xi ħadd li l-prezz tiegħu hu għaxar darbiet iktar. Żied jgħid illi
għal kull metru kubu ta’ skart huwa l-prezz ta’ Bezzina li aktar jagħmel
sens u mhux ta’ Galea.
Il-Kunsillier Claudio Zammit qal li l-kunsilliera m’għandhomx l-obbligu
jaraw jekk wieħed jew l-ieħor mill-offerenti għamlux xi żball fl-offerta,
___________________________________________________________________________
Minuti Seduta 05-07
9

iżda għandhom jaraw il-prezzijiet offerti, u x’inhu l-aħjar għall-kunsill
biex jonfoq il-fondi li għandu b’mod għaqli. Qal ukoll illi għalkemm
mhux kontestat li l-kuntrattur Gejtu Galea fil-kuntratt li għandu ta’ ġbir
ta’ skart jagħmel xogħol tajjeb, il-prezz ta’ Galea għall-qtugħ ta’ ħaxix
u ġbir ta’ terrapien, wieħed mill-aktar servizzi li jiġu użati, huwa għaxar
darbiet iktar minn tal-offerent l-ieħor.
Il-Kunsillier Rita Bellizzi qalet filwaqt li kkonfermat li x-xogħol li
jagħmel Gejtu Galea hu eċċellenti, hi qalet li ma jistax il-Kunsill jgħid li
Bezzina ħa żball fil-prezz jekk ma jiġix mistoqsi. Hi żziedet tgħid li
għandu jintagħżel il-kuntrattur li l-iktar jaqbel lill-kunsill.
Wara diskussjoni s-Sindku talab għall-voti tal-Kunsilliera preżenti.
Dawk favur li t-tender tingħata lill-orħos offerent Christopher Bezzina
kienu l-Kunsilliera Rita Bellizzi, Joseph D’Amato u Claudio Zammit.
Dawk favur li t-tender tingħata lill-Kuntrattur Gaejtano Galea fuq ilpunt
li l-Kuntrattur Christopher Bezzina għandu żball fuq l-ammont li
kkwota fuq item 3 (€1.50) u li ma jistax jaħdem bil-prezz li kkwota
kienu – Is-Sindku Ignatius Farrugia u l-Kunsilliera Raymond Grixti,
Saverina Farrugia u Kevin Sam Farrugia.
Dawk li astjenew kienu l-Kunsilliera Dino Bonnici, Vincent Marmara u
Pierre Farrugia.
Għalhekk it-tender ser tingħata lis-Sur Gaetano Galea.
5.11 Approvazzjoni: Xogħlijiet u Servizzi
5.11.1 Il-Kunsillier Vincent Marmara nforma lil dawk preżenti li l-Kunsill ser
jorganizza tliet korsijiet tal-I Kids li għalihom ikkonkorrew 120
tifer/tifla. Hu żied jgħid li f’Ottubru l-Kunsill talab biex isiru korsijiet fillingwa
Ingliża, Maltija u l-Matematika – kollha bla ħlas kemm għallparteċipanti
u kemm għall-Kunsill.
Il-Kunsillier Vincent Marmara qal li kellu komunikat mas-Sur Mario
Salerno fejn staqsieh fuq l-involviment tal-Kunsill Lokali taż-Żurrieq filproġett
mħallas mill-EUPA b’kollaborazzjoni mal-MCAST. Ġie infurmat
li t-taħriġ jikkonsisti f’informazzjoni fuq it-trobbija tal-ħut, bhejjem u
tkabbir tal-pjanti. L-istess f’dan il-każ il-Kunsill ma ħareġ l-ebda fondi u
t-taħriġ hu ffinanzjat mill-EUPA.
5.11.2 Il-Kunsillier Vincent Marmara qal li fil-11 ta’ Awwissu, 2012 ser
jorganizza attivita’ għaż-żgħażagħ fejn ser jistieden DJs popolari u fejn
bl-għajnuna tal-kuntatti mis-Sindku ser jinġiebu d-dawl u s-sound bla
___________________________________________________________________________
Minuti Seduta 05-07
10

ħlas. Hu żied jgħid li l-attivita ser terġa issir fil-plot fejn saret l-attivita’
ta’ nhar it-Tlieta (Kunsill/My Meat & Fruit shop) fi Triq Matteolo Saliba.
Id-dħul għal din l-attivita’ hu bla ħlas imma jissuġġerixxu lil dawn li
jattendu jgħatu donazzjoni għal-kunvent Santa Teresa.
Il-Kunsillier Dino Bonnici qal li biex torganizza street party tkun teħtieġ
diversi permessi u s-Sindku/Kunsillier Marmara jridu jagħtu aktar
informazzjoni lill-Kunsill qabel ma jorganizzaw xi ħaġa simili u qabel tiġi
approvata mill-istess Kunsill.
Is-Sindku informa li f’seduta oħra ser iġib aktar informazzjoni biex tali
attivita’ tkun approvata.
F’dan il-ħin il-Kunsillier Vincent Marmara ħareġ mis-seduta ( 9.20pm)
5.11.2 Il-Kunsillier Saverina Farrugia qalet li l-BIS ta’ fejn il-ġnien tal-ġibjun
qed tinżamm maħmuġa u mhux qed tkun użata tajjeb.
Kien hemm qbil li tali BIS titmexxa għal Triq il-Barrieri – ‘l fuq minn fejn
kienet ftit tal-ġimgħat ilu u din tkun biss temporanjament sakemm
jinstab post alternattiv.
5.11.3 Il-Kunsillier Saverina Farrugia qalet li ġiet avviċinata minn sajjieda li
riedu li jaqtgħu l-weraq tal-palm mis-siġar fiż-Żurrieq.
Kien hemm qbil li bħala kunsillier responsabbli tinforma lill-kumpanija
ELC biex jagħtuha data ta’ meta ser jiżbru tali siġar biex hi tkun tista
tinforma lis-sajjieda. Kien hemm qbil li tkun il-Kumapnija li ħadet ittender
biss li tagħmel tali żabra biex il-palm ma jiġix infettat.
5.11.4 Il-Kunsillier Saverina Farrugia qalet li kienet ġiet avviċinata minn
persuna li sabet qattusa bil-frieħ magħha u l-Kunsillier kienet żammet
lill-qattusa bil-frieħ u irnexxiela tagħti home lil waħda mill-friegħ.
Issuġġeriet li jekk sid il-frieħ lest li jġib ritratt fuq il-Kunsill News –
iġġibu fil-paġna tagħha biex tħeġġeġ nies oħra jagħmlu l-istess.
5.11.5 Il-Kunsillier Rita Bellizzi qalet li hemm bżonn li fi Vjal l-Indipendenza
tabelli li jindikaw l-ispeed limit minħabba l-ispeed aċċessiv li qed ikun
hemm. Kien hemm qbil fuq dan.
Hi ssuġġeriet ukoll li issir zebra crossing viċin l-akwati ta’ bejn Triq l-
Isqof Alpheran u Triq it-Torri.
Il-Kunsillier Pierre Farrugia qal li meta saret it-talba lit-TM. It-TM
approvat li ssir fejn hemm bus stop u fuq in-naħa l-oħra kien hemm
plot vojt. Sid il-plot oġġezzjona għax kien fil-proċess li jibda l-bini u filfatt
dan inbeda u r-residenti tal-faċċata l-oħra oġġezzjonaw. B’hekk iżzebra
crossing ma saritx.
5.11.6 Il-Kunsillier Rita Bellizzi ssuġġeriet lill-Kunsillier inkarigat mit-trasport
___________________________________________________________________________
Minuti Seduta 05-07
11

pubbliku Kevin Sam Farrugia biex jissuġġerixxi lill-Arriva sabiex ilkarozza
73 issir aktar frekwenti u l-karozza 71 terġa tibda tidħol fl-
Airport ħalli jkun hemm interchange kif kien isir qabel.
Il-Kunsillier Kevin Sam Farrugia ħa nota.
5.11.7 Il-Kunsillier Rita Bellizzi ressqet dawn l-ilmenti:
• Is-service Raod fi Vjal il-Blue Grotto għandha bżonn il-patching.
• Faċċata tas-Substation ta’ Triq Bubaqra hemm ħajt imwaqqa.
(ġiet infurmata mill-Kunsillier Pierre Farrugia li tali ħajt hu talprivat)
• Hemm bżonn ta’ ilqugħ mal-ħamrija li hemm f’Misraħ Santa
Marija f’Bubaqra.
5.11.8 Il-Kunsillier Rita Bellizzi qalet li l-attivita li kienet pproponiet (Day by
the pool) kellha titħassar peress li ma kienx hemm biżżejjed
konkorrenza.
Żiedet tgħid li f’Awwissu ser torganizza ġita ta’ ġurnata f’Catania
minħabba li l-aħħar li saret kienet suċċess kbir.
Kien hemm qbil fuq dan.
5.11.9 Il-Kunsillier Claudio Zammit qal li ikkomunika mas-Sindku ta’ Borgo
Maggiore li qallu li l-ġita pjanata għall-ewwel ġimgħa ta’ Settembru
ġiet konfermata u li s’issa dawk interessati kienu għaxra.
Qal ukoll illi l-Kunsill ta’ Borgo Maggiore ħa jibgħat il-programm
dettaljat tal-ġita l-ġimgħa d-dieħla, sabiex il-Kunsill ikun jista’ jara fejn
ħa jmorru.
Il-Kunsillier Claudio Zammit ippropona li l-Kunsill taż-Żurrieq jilqa’ lirresidenti
ta’ San Marino bl-istess mod li huma kienu laqgħu lirresidenti
taż-Żurrieq. Hu ppropona għalhekk li l-Kunsill jorganizzalhom
ikla b’xejn fejn jiġu mistiedna wkoll ir-residenti Maltin li telgħu f’San
Marino (anke jekk ir-residenti Zrieraq ihallsu ta’ l-ikla). Qal ukoll illi ddettalji
ta’ fejn u meta ħa ssir l-ikla ħa jtihom aktar tard, x’aktarx fillaqgħa
li jmiss, wara li s-Sinku ta’ Borgo Maggiore jikkonfermalu nnumru
ta’ parteċipanti kollha.
Ippropona ukoll li l-Kunsill jagħti pakkett ta’ informazzjoni u
memorabilia fuq Malta u fuq iż-Żurrieq bħala tifkira tal-attendenza
tagħhom fiż-Żurrieq.
Kien hemm qbil fuq dan kollu.
5.11.10 Il-Kunsillier Raymond Grixti qal li kellu laqgħa mal-Perit Lewis fejn talbu
jissottometti dawk l-affarijiet li jeħtieġu t-TM biex isiru l-aħħar tliet
___________________________________________________________________________
Minuti Seduta 05-07
12

talbiet li kellu l-Kunsill re: zebra crossing fi Triq Filippu Farrugia, Traffic
Management fi Triq Serafin M Zarb u One Way fi Vjal ix-Xarolla.
5.11.11 Il-Kunsillier Raymond Grixti qal li jridu jsiru l-parking bays fi Triq Filippu
Farrugia u fi Triq Kalang Saliba.
Is-Segretarju Eżekuttiv ġibdet l-attenzjoni tal-budget li hemm fuq ilmarki
tat-toroq.
5.11.12 Il-Kunsillier Joseph D’Amato qal li l-Mitħna tax-Xarolla qiegħed filproċess
li jarmaha fl-istat tas-sena 1920 billi akkwista għamara –
siġġijiet, sodod, pittura u affarijiet oħra. Hu żied jgħid li jeħtieġ lapprovazzjoni
tal-Kunsill biex il-kamra fejn il-kunsill preċedenti kien
juża sabiex jagħmel kors tal-pittura, jitneħħew l-imwejjed minnha
sabiex terġa ssir kċina kif kienet f’dak iż-żmien. Kien hemm qbil fuq
dan.
5.11.13 Il-Kunsillier Joseph D’Amato qal li avviċina lill-kumpanija My
Destinations li għandha sit tal-internet li jintuża minn madwar 340,00
persuna kuljum. Biex il-Kunsill jkollu reklam f’dan is-sit li jkun 360° fejn
jista ukoll jiżdiedu l-attivitajiet li jagħmel minn żmien għal żmien il-
Kunsill, tiġi tiswa €250. Dan il-ħlas isir darba biss. Din is-sit tista tkun
inkluża ukoll fis-sit eżistenti li għandu l-kunsill.
Kien hemm qbil li jiġi ordnat ix-xogħol.
5.11.14 Il-Kunsillier Pierre Farrugia ppropona li fl-aġenda li jmiss titniżżel item –
Attivita tal-ħut. Kien hemm qbil fuq dan.
5.11.15 Il-Kunsillier Kevin Sam Farrugia ppropona li jinxtraw 2 dog bins u
jitwaħħlu madwar ġnien il-Bennej. Kien hemm qbil fuq dan.
Ippropona ukoll li jiġu ordnati 6 bins – 4 jitwaħħlu fit-Triq il-Wied u 1
fejn il-berġa tas-saħħa u ieħor fejn l-iskola minflok li kien ivvandalizzat.
Kien hemm qbil fuq dan.
5.11.16 Il-Kunsillier Kevin Sam Farrugia qal li ser jordna li jsiru aktar bins għal
waqt il-ġranet tal-festi tar-raħal u jsir xogħol extra fil-ġranet tal-festa
biex ix-xogħol isir aħjar.
5.11.17 Il-Kunsillier Kevin Sam Farrugia talab li jsiru doulbe yellow lines fi Triq
San Bartilmew. Kien hemm qbil fuq dan.
5.11.18 Il-Kunsillier Kevin Sam Farrugia qal li qed jidħlulu ħafna lmenti li lkuntrattur
tal-knis meta jiknes qed jiġbor l-materjal ġo boroż suwed u
jħallihom għall-għada filgħodu biex jittieħdu mill-Kuntrattur tal-ġbir
tal-iskart bil-konsegwenza li qed ikun hawn ħafna garr mir-residenti.
Hu stess fetaħ ftit mill-boroż u ħa ritratti tagħhom biex jikkonferma
dan.
___________________________________________________________________________
Minuti Seduta 05-07
13

Il-Kunsillier Kevin Sam Farrugia qal li mhux kuntent bix-xogħol li qed
jagħmlu l-kenniesa.
Kien hemm qbil li l-Kunsill jitlob lill-kuntarttur imsemmi spjegazzjoni ta’
dan kollu u dan l-item jiġi diskuss f’seduta oħra.
5.11.19 Il-Kunsillier Dino Bonniċi qal li l-Kunsill irċieva talba miċ-Chairman tal-
MEPA fejn talab li jekk il-Kunsill irid jagħmel laqgħa miegħu.
Kien hemm qbil li l-Kunsill jaċċetta t-talba.
5.11.20 Il-Kunsillier Dino Bonnici talab lis-Segretarju Eżekuttiv spjegazzjoni taxxogħol
li sar fi sqaq fejn Happy Return Bar u jekk dan sarx blapprovazzjoni
tal-Kunsill. Il-Kunsillier Dino Bonnici staqsa x’tip ta’
xogħol sar.
Is-Segretarju Eżekuttiv wieġbet li x-xogħol li sar kien li l-isqaq kollu sar
bl-imprint fil-concrete, u ngħata wiċċ ġdid. Qalet li meta ġiet it-talba
direttament mis-Sindku biex tagħmel works order għax-xogħol ta’
imprint fi Sqaq il-Warda, ma kienetx taf li tali xogħol jirrikjedi wiċċ ġdid
ta’ sqaq sħiħ. Hi qalet li l-Kuntrattur Ell’s Urban Service jaf li xogħlu
mal-kunsill hu ta’ patching u bankini u jmissu żamm mal-ftehim, fissens
li ma setax jagħmel dan it-tip ta’ xogħol. Meta ffirmat il-Works
order ħasbet li x-xogħol mitlub hu ta’ patching fi sqaq li diġa għandu
wiċċ imprint.
F’dan il-punt is-Sindku ammetta li hu ta’ l-ordni diretta għal xogħol ta’
wiċċ ġdid ta’ sqaq mingħajr ma l-Kunsill kien ta permes sabiex isiru xxogħolijiet,
u qal li jitlob appoloġija tax-xogħol li sar, imma peress li
għadu ġdid fil-kariga jrid jiġi kkumpatut. Assigura lill-Kunsill li ħaġa
bħal din mhux ser terġa tirrepeti ruħha.
Il-Kunsillieri Dino Bonnici qal lis-Sindku Ignatius Farrugia li jmissu laffarijiet
jagħfhom aħjar għaliex għalkemm hu ġdid f’din il-leġislatura,
hu kien diġa serva bħala Sindku għal sitt snin f’żewġ leġislaturi ta’
qabel u għalhekk kien imissu jaf li kull xogħol li jsir jkollu bżonn lapprovazzjoni
tal-Kunsill biex ikun skond il-liġi.
Is-Sindku reġa talab appoloġija u kkonferma li din ma terġax issir.
5.11.21 Il-Kunsillier Dino Bonnici qal li sar xi xogħol fi Triq Bronja ta’ marki tattoroq
li fil- fehma tiegħu ma ġewx approvati mill-Kunsill.
Il-Kunsillier Raymond Grixti qal li x-xogħol li sar hu ta’ refresh u ma sar
xejn ġdid.
Il-Kunsillier Dino Bonnici talab lis-Segretarju Eżekuttiv biex tikkonferma
___________________________________________________________________________
Minuti Seduta 05-07
14

Konfermati, illum ___ ta’ Lulju, 2012
mat-TM li tali xogħol hu approvat.
Kien hemm qbil fuq dan.
5.11.22 Il-Kunsillier Dino Bonnici qal li hemm bżonn ta’ patching fi Triq San
Pawl. Kien hemm qbil fuq dan.
5.12 Kunsiderazzjoni u Approvazzjoni tal-iskeda ta’ Pagamenti
5.12.1 Is-Segretarju Eżekuttiv ippreżentat l-iskeda ta’ pagamenti anessa
bħala ‘Dok 6’ għall-ammont totali ta’ €116,045.19. GħaIl-pagamenti
mill-Kumpanija Always Clean kien hemm qbil unanimu li ma jitħallsux.
Il-mozzjoni għaddiet u l-iskeda ta’ pagamenti ġiet iffirmata mis-Sindku
Ignatius Farrugia u l-Kunsilliera Dino Bonnici u Kevin Sam Farrugia.
5.13 Data tas-seduta li jmiss.
5.13.1 Il-laqgħa ntemmet b’dan l-item fuq l-aġenda fl-10.10 ta’ filgħaxija. Il-
Kunsilliera preżenti qablu li d-data tal-laqgħa li jmiss issir nhar l-Erbgħa
8 ta’ Awwissu, 2012, fis-6.30 ta’ filgħaxija.
Ignatius Farrugia Josianne Cilia Mumford
Sindku Segretarju Eżekuttiv
___________________________________________________________________________
Minuti Seduta 05-07
15