GAVARO - Cindy

postrestis ebriulo, vundito, aŭ kadavro de konfipinto en la
defluilo.
Per bruska gesto mi trastrekis la nomon kaj signalaĵojn de la viro
en mia plenega notkajero. Levis min por lasi la korpon al sia sorto.
Ne ĉar mi timus la polon ! Multaj el ties anoj, zonrimenoj kaj
mornuloj, jam antaŭe havis aferon kun mi. Bone konas mian
vizaĝon. Sed mia pozicio estas tro solida kaj mia potenco tro
granda. Tiel ke eĉ la granda polano mem ne kuraĝus serĉi
kverelon kun mi. Li scias tro bone ke mi havas adjutantojn kaj
intrigantojn ĉie. Ĝis en la plej altaj tavoloj de la burĝa socio. Kaj
ke mi malofte indulgas tiun kiu volas fari kindanojn.
Tio ne signifas, ke mi dependas de gvidokoj por efektivigo de miaj
planoj. Sufiĉe ofte mi ja laboras sola por fari disciplinon en la
organizaĵo. Sen interveno de fremdaj handoj. Tre efike.
* * * * * * *
Nu, la sekvanta nomo sur mia agendo konceris ĝuste tian senperan
kazon. Temis pri drama amhistorio: kudristineto, kiu per
sia tuta koro enamiĝis en ĝigolon senmoralan, kiu aniĝis al ekspluatantoj
de noktoklubo. Iun dimanĉon kiam li, kun kelke da
kompanoj, traveturis ŝian vilaĝon, paneis lia zinkaĵo. Estis
festotago. Kun vilaĝa balo. Li scipovis glate kaj karese rasli. Pentri
antaŭ ŝia avida naiveco bildojn de edena estonteco en la urbo.
Estis ŝia unua kiso sur la buŝo.
La postan tagon ŝi kuris for el la hejmo, apenaŭ plenaĝa. Kun
malbeno de la geolduloj kaj malpermeso iam reveni. La kunŝparitan
dineron de sia modesta manlaboro, ŝi kunportis. Por fivivadi
en strasa paradizo apud la malinda ljubato. Ŝi estis pupeto,
ludilo en liaj fiaj pinĉiloj. Kiuj same facile scipovis disspezi ŝian
ŝparmonon kiel karesi ŝian veluran korpon. Kaj misuzi.
Post tri monatoj de pasia kunvivado, ilia ledaĵo jam malplenis. Kaj
la senartifika knabina sekso jam tedis. Ekkrevis la sapveziko de
ŝia feliĉo. Li diris simple adiaŭ kaj ne revenis plu al la komuna
luĉambro.
Sed tiel senproteste ŝi ne rezignis. Ŝi batalis por la karega revo pri
feliĉo. Serĉadis lin en la giganta malamika stratlabirinto. Dumtage
kaj dumnokte. Ĝis preskaŭ elĉerpiĝo.
Tiam subite, jen li en akompano de fama simeristino. Riĉegulino.
Kiun li ameme tenis ĉe la talio. Lia furioza rigardo interkruciĝis
97