You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
4.5 El la Agendo de Murdisto<br />
96<br />
Sub 2.3 mi asertis ke normala priskriba prozo ne taŭgas por prezenti<br />
slangon; tio kredeble estas vero, sed tiu-ĉi stilformo estas tiel facile<br />
aplikebla — kontraŭe al vervaj dialogoj — ke eĉ mi mem kuraĝis<br />
elmemore rekonstrui per ĝi iun originalan rakonteton de plu ne konata<br />
aŭtoro. (M.H.)<br />
Ruĝblua strio klakis el la kurtmuzela kalibro. Dufoje. La mutaj<br />
domoj de la obskura grandurba strateto pilkoludis kelkajn<br />
momentojn kun la elastaj eĥoj. Tiam ilin plusendis al la heliĝanta<br />
kupolo frumatena.<br />
Mia adjutanto ne malŝparis tempon, por kontroli la efikon de siaj<br />
bluaj faboj. Vidinte la celtabulon sinki en miajn brakojn, li<br />
ekkaptis la falintan ledotekon kaj ventumis ĉirkaŭ la angulon.<br />
Karminaj bersukospuroj glustriis la esprimon de timego, rigidiĝantan<br />
sur la fasado de mia viktimo. Miksiĝis kun la malpuraĉaj<br />
grasrondoj sur lia ĉifonita ĉemizo. Oscedis du truoj en lia kapaĉo.<br />
Plurfoje tiu-ĉi ragulo jam estis alfruntinta min. Kaj plurfoje<br />
sukcesinta elturniĝi. Iel. Sed nun lia meĉo estis finkonsumita.<br />
Definitive. Li ja tre bone sciis pri la granda risko fari ion ekster<br />
kontrolo kaj ordono de la brigado. Rompi ĝian neskribitan leĝon.<br />
Tamen, li kuraĝis trabreĉi. La granda kvanto da neĝo, kiun estis<br />
en la antaŭa vespero al li disponiginta la kuriero, pruviĝis tro<br />
granda tento. Ĝi reprezentis supermezuran grapon. Senliman<br />
riĉegon. Por la tuta vivo. La interŝtupa radeto do volis iĝi propradecida<br />
stirilo. Sed la sindiko funkcias kiel bone ŝmirita maŝino.<br />
Hermete. Unu horon post kiam li ne aperintis en la rendevuaj<br />
tempo kaj loko, miaj knabegoj jam malkovris lian stajejon. Li<br />
ankoraŭ provis ventumi, sed vane. Kaj nun lia konto soldiĝis.<br />
Baldaŭ elirus tiu aŭ alia fru-hora paviano, el la pordo de sia<br />
morna loĝejo. Aŭ enirus la trakon laktovendisto. Estas nekredeble<br />
kiom ofte jam okazis dumnokta kroĉetado en tiu sama kvartalo.<br />
Kun granda frakaso aŭ silente. Aŭ knarigo. Sen ke unu loĝanto<br />
ĉirkaŭe atentus. Grandurbanoj ŝajnas esti denaskaj surdmutuloj.<br />
Estas ankaŭ pli prudente, ĉu ne, okupi sin sole pri siaj propraj<br />
diloj. Tiumaniere oni restas ŝirmita kontraŭ kukurbaĵoj kaj ne<br />
bezonas rakonti fabelojn al polanoj. Tiuj-ĉi ja malkovru mem ĉu
Change language