GAVARO - Cindy

1. Enkonduko
1.1 Kio estas slango ?
Dirante “lasu min trankvila” al sintruda persono, vi estus eble
malĝentila, sed certe ne maldeca. Dirante al li “frandu el mia
kakajuto” vi estus käj malĝentila käj maldeca. Vi parolus slange;
ŝoke kaj senĝene. Sed ja … efike.
Memkompreneble, tiaspeca kruda lingvaĵo estas kutime pli
parolata kaj aŭdata ol ĝi estas skribata kaj legata, escepte en
kloakaj kulturperiodaĵoj kia nia Kancerkliniko. Tamen, ne malhelpas
ke ĝi estas populara, ke ĝi vivas, ke ĝi floras, ombroflanke
de la severe ĝusta koineo, en kvazaŭ ĉiuj naturlingvoj de la
mondo, kaj ke en almenaŭ du inter ili ĝi naskis eĉ specialan
subliteraturon: la slangoliteraturon.
Estas filologoj kaj lingvistoj — tiaj de la severa normojn diktanta
skolo — kiuj, el la altaj nuboj de sia erudicio, okulumas kun
minaca fruntosulkigo al tiu fi-konduta stratobubo, ĵetas al ĝi
pereigajn akademiajn fulmojn aŭ preferas malestimege ignori ĝian
ne permesatan ekziston.
Estas kleruloj en ilia sekvantaro, kiuj simple ne komprenas ĝian
karakteron kaj vidas en ĝi nur sapeilon, subfosilon de la “bona”,
de la “norma” lingvo. Kiel iam skribis al mi samideana instruisto,
rilate aplikon de dialekteca slango en popularega porinfana
bildoserio flandra: “Povas esti ke la humoraĵoj de (tiu aŭtoro)
plaĉas al multaj, eĉ al plenkreskuloj. Aliflanke, mi opinias, ke
ankaŭ multaj taksas ilin malaltnivelaj. Bedaŭrinde, mi troviĝas
inter tiuj-ĉi lastaj. En la lernejo ni luktas por la koineo, sed en tiaj
historietoj oni instruas ion alian.”
Sed estas feliĉe ankaŭ nacilingvaj fakuloj (de la moderna
observada kaj registrada skolo), ĉe kiuj tia politiko nomiĝas nur
strutopolitiko. Kiuj anstataŭe degnas kaj kuraĝas aliri slangon
por serioze ekzameni ĝin. Kun tre tipa rezulto ke ili preskaŭ
unuanime kantas ĝiajn laŭdojn. Jen kelkaj el tiuj lirikaj opinioj:
A.F. POTT – “Estas ne al mallertaj cerboj, ke ĝi dankas sian
ekziston, tiu-ĉi monumento de (…) brila inventemo kaj fekunda
imagopovo, plena je plej malrespektaj saltoj kaj vivoplenaj bildoj;
en ĝi kutime partoprenas ŝerco — eĉ se konfesende de imperti-
7