GAVARO - Cindy

4. Kompreneble, se la kunmetita originalo mem estas stilfiguro kaj
neniel fremdaĵo, ekzistas neniu motivo por elserĉi konvenan
ksenismon en la gavarotraduko.
54
Dica geveltoerist (akrobata romp-ŝtelisto, kiu surgrimpas murojn) =
fasadoturisto.
2.7 Kritikoj
1. Ĉu necesas havigi gramatikan regularon al lingvaĵo, kiu laŭdifine
estas senregula ?
En la estonteco, kiam Esperanto estos uzata senĉese kaj de tutaj
homgrupoj, do post kiam ĝi estos “oficialiĝinta”, estas neniu dubo
ke komencos aperi slangaĵoj en tute kaprica maniero — almenaŭ
se la mondobildo rilate al lingvouzado kaj sociologio estos ankoraŭ
sama en la 21-a jarcento kiel ĝis la 20-a. Iom post iom tiuj tiam
kreskos nature ĝis tia potenco kaj abundo, ke ili ne povos ne
eksmodigi Gavaron kaj finfine igi ĝin eĉ komplete superflua. Sed
… ĝis tiu epoko niaj slangotradukantoj starus kun malplenaj
manoj, kaj estus por ili multege pli facile mastri regule
strukturitan lingvaĵon ol tute ĥaosan vort-amason. Rilate la povon
de laŭplana Gavaro, redoni senplanajn slangaĵojn naciajn, ĝi en
tio neniel diferencas de zamenhofa Esperanto frunte al normalaj
vortoj aŭ esprimoj naciismaj. La instrumento certe taŭgos … en la
manoj de lerta kaj inventema utiliganto.
2. Ĉu necesas (re)enkonduki vere koherajn vort-listojn ?
La de mi proponataj interligitaj vort-serioj [2.4.4] ne intencas
anstataŭi naturajn naciaĵojn, sed nur suplementi ilin en okazoj
kie naciaĵo ne estas (bone) tradukebla aŭ ial ne dezirinda.
Ekzemple, por la neniosignifaj anglaĵoj 5 quid, 2 bob, 30 bucks (=
Pundoj, Ŝilingoj, Dolaroj) oni disponus 5 Muloj, 2 Azenoj, 30 Bokoj,
ĉar etimologia deveno restas ekster konsidero por uzantoj.
Ksenismoj estas tie-ĉi evitindaj, ĉar ili nur fremdigus la tekston
dum skemismaj vortoj pli facile restas en la memoro. Fakta elekto
plu dependos de la originala (kun)teksto kaj de la persona prefero
de la tradukanto. Ĉe alkutimiĝo tio cetere estos ne pli malnatura
ol la fundamentaj elpensitaĵoj de ZAMENHOF.