GAVARO - Cindy

2.6 Principo de Simpleco
1. Ne gravas la demando ĉu la nacia fontvorto, kiun oni elektis por
krei gavaran ksenismo-radikon, en si mem estas derivaĵo aŭ
kunmetaĵo aŭ ne. Gravas nur la demando ĉu ĝi estas sufiĉe
mallonga por obei la postulon pri simpleco. Por la bezonoj de
Esperanto-slango oni do konsideru la koncernan fontvorton
kiel unuecan blokon.
Ekzemple napadi (el rusa нападать) = ataki.
2. La multenombraj derivaĵoj (radiko + afikso), kiuj aperas en
nacilingva slango, kaj kiuj estas ankaŭ en Esperanto
tradukendaj per konformaj derivaĵoj, tradukiĝu antaŭ ĉio per
normala, fundamenta radiko, plus koncerna Gavaro-afikso.
Nur kiam tiu rimedo plu ne sufiĉas por kovri la eventuale tre
grandan kvanton da samstrukturaj sinonimoj en la koncerna
teksto, nur tiam oni ekkaptu koncernajn ksenismojn.
- Dica bikker (laŭvorte “manĝanto” sed laŭsignife “buŝo”) iĝas en
unua fazo manĝeŝo (manĝi+EŜ) kaj nur en dua fazo jestilo
(jesti+IL) aŭ komerilo (komeri+IL).
- Tikilo prefere al tikisto por “horloĝo” ĉar senvivaĵo.
3. Kiam la Esperanto-egalvaloraĵo estas kunmetita vorto, ne
necesas fremdigi ĉiun ĝian elementon, sed normale nur unu.
Nome la plej signifodonan, se tia elstaras. Je tio oni ankaŭ
elektu se eble la plej mallongan radikon el nia slangovortaro
[2.4.3.5]. Analoge pri apudigo de vortoj.
La vorto “okulvitroj” (ekzemple en angla slango specs) fariĝas ĉu
glazovitroj (ek-de glazo = okulo) ĉu okulslajsoj (ek-de slajso =
tranĉaĵo), sed ne glazoslajsoj.
La vorto “mantenilo” (ekzemple por germana slango der Krossen)
fariĝas manodjerĵilo (ek-de djerĵi = teni) aŭ rukatenilo (ek-de rukao =
mano), sed ne rukadjerĵilo aŭ rukadjerĵeŝo.
Granda polano (policestro) prefere al noĝa polano.
53