GAVARO - Cindy

52
ampleksa teksto, kia romano ekzemple. Tiel same por slangovorto:
se aludo klaras pro firma subteno de kunteksto (aŭ de
eventuala marĝena klarigo kia ekzemple piednoto), tiukaze
ekzistas neniu danĝero por senpera traduko. Sed tiaj tradukoj
normale do ne renkonteblos en la Gavaro-vortaro.
El germana slango:
die Knopfsuppe (fabeclegoma supo) = la butonsupo.
der Krautgarten (glaso da brando) = lumkuglo aŭ rakedo.
ein Kutscher (tre ordinara Mosel-vino) = ĉaristo aŭ koĉero.
5. Paralele, se la kunteksto firme subtenas, aŭ se la origina aludo
estas nepre necesa al la koncerna historieto, tiukaze oni
efektive traduku laŭ la originalo mem.
Germana der Schampus (la ĉampano) = la ĉampo aŭ ĉampofo.
Germana ein Kreuzer (monero kun kruc-emblemo) = kruculo.
6. Aliflanke, se koncerna originalo estas konsiderenda kiel fakĵargona
termino, oni povas adopti ĝin sentraduke, laŭ la
tradicia asimila metodo. Tio plej facile okazos al ksenismaj
terminoj.
Angla gypsy (nuklefizika korpusklo, ekde J kaj Psi) = ĝipsio dum
laŭvorta traduko havigus cigano.
7. Ankaŭ sukplenaj esprimoj kaj interjekcioj rajtas, sed sen
devigo, eniri Gavaron senŝanĝe, denove kondiĉe ke ili estu
sufiĉe facile kompreneblaj sur internacia nivelo — ĉu pro sia
evidenteco, ĉu pro la kunteksto — sen antaŭscio pri lokaj aŭ
tempaj situacioj.
- Angla to trim a sucker (priŝteli viktimon) = tondi branocerbon.
- Franca avoir quelqu’un à la bonne (esti amika kun iu) = esti en
bonaĵoj kun iu.
- Germana die Klappe halten (ek/silenti) = rigli la klapon.
- Dica bij de koopvaardij zijn (esti en prizono) = esti en la komerca
navigado (longedaŭra).
8. Gramatikaj eraroj en la originalo rajtas, sed ne nepre devas,
eniri ankaŭ la tradukon, ĉar ofte tio signifas troigon =
malbonigon.
Ekzemple la foresto de akuzativo.