GAVARO - Cindy

8. Slanga derivaĵo aŭ misformaĵo en propra nomo tradukiĝu en
Gavaro per aldono de unu el la koncernaj specialaj sufiksoj,
ek-de la unua silabo aŭ unuaj literoj kaj laŭ posta skemo:
46
1) konsonanto(j) plus vokalo(j) = unua silabo plus sufikso:
Sovjetano = Sovjoko Hispano = Hispoko
Franco = Froko norvega = norvala
Berlino = Berluĵo Mediteraneo = Meduĵo
2) vokalo(j) plus konsonanto(j) = tiuj samaj plus sufikso:
Italo = Itoko Atlantiko = Atluĵo
arabigi = arizi usonaĵo = usofo
3) kunmetita nomo = akronimo plus sufikso:
Sud-Ameriko = Samoko Nord-Afriko = Nafruĵo
9. Vortaro pri Gavaro indiku laŭeble la devenon de ksenismoj por
ebligi postajn komparon kaj elekton.
ĉorna (= nigra) el rusa ЧОРНИЙ
10. Notendas, ke nia Esperanto-slango, pro siaj neŭtraleco kaj
planiteco mem, rilatas kaj kapablas rilati al ĉiu ajn lando, al
ĉiu ajn socio, al ĉiu ajn epoko; dum naciaj slangaĵoj estas
ĉenitaj al tre limigitaj tiaj kadroj. Oni do ne konsterniĝu, sed
male ĝoju trovante en niaj vortaro kaj esprimaro de Gavaro
materialon, kiu en donita fontlingvo jam delonge eksmodiĝis;
ĉar tiamaniere nia tradukpovo estas principe senlima.
Angla to lay someone athwart = kuŝigi iun alumede, nun plu ne
estas uzata en la angla ĉar antikva, sed tio neniel malhelpas apliki
ĝin en aktuala Gavaro.
11. Pro fonologiaj motivoj, kaj konforme al mia projekto pri
Universala Skribo, la litero kaj sono ŭ iĝas sensupersigna w
dum ĉiuj kv, sv, tv en Gavarovortoj iĝas kw, sw, tw aŭ kf,
sf, tf.
waĥtisto anstataŭ ŭaĥtisto sfjetli anstataŭ svjetli