GAVARO - Cindy

5. Notindas, ke kunligado de pure fundamentaj radikoj/afiksoj
kun gavaraj radikoj/afiksoj, kiu rezultas en mikspoto de
malsamnaturaj vorteroj, rekte kontraŭas mian centran lingvonormigan
principon, laŭ kiu nur radikoj de sama naturo rajtas
kunligiĝi [Universala Esperanto]. Tamen, tie-ĉi ĝi estas
permesita, ĉar oni havas aferon kun maltaŭga lingvaĵo en kiu
malpli gravas pura ekzakteco (racia apartigo de la terminoj), ol
spiceco kaj strangeco.
Franca slango des fafs (= dokumentoj aŭ valorpaperoj) povas estiĝi
paperdjengo aŭ bumagomono (ek-de respektive djengo = mono, kaj
bumago = papero), kontraŭe al sciencolingva postulo pri pureco en
kiu oni rajtas skribi jen teknike “termonuklea” jen populare
“varmokerna” sed nenial “termokerna” aŭ “varmonuklea”. [Universala
Esperanto].
6. Kelkafoje slangovorto ne havas precizan signifon, ekzemple iu
blasfemo au insulto. Por tiaj oni povas aŭ (a) malkovri ĝian
eventualan etimologian originon kaj traduki laŭ tiu, aŭ (b)
apliki infikson al konvena proksim-signifa vorto koinea.
1) Dica sjamfoeter (malestimindulo) probable devenas de franca jem’en-fouteur
(= tio-ne-koncernas-min) kio havigas gavaran kakegalisto
ek-de la koncerna germana versio es ist mir scheissegal (=
al mi estas fek-egale).
2) Dica samvalora labbekak kontraŭe havas tre malcertan originon
kaj do povas estiĝi ekzemple viklaro ek-de “viro+ KLA”.
7. Nacilingva propra nomo, konforme al mia ĝenerala lingvonormiga
regularo, restu prefere netuŝita kaj do eniru Gavaron
sen ŝanĝo, escepte se ĝi portas eksplicitan signifon. En tiu
okazo oni rajtas se bezone traduki ĝin.
Franca Julot (= amika Jules) prefere restu Julot |ŽYLÖ|.
Germana Essen, hispana Valencia, tjurka Erzurum, kotopo restu
prefere senŝanĝaj, sed angla Fats (= dikulo) iĝas jen Tolsĉo aŭ
Delgado aŭ restas Fats.
45