GAVARO - Cindy

5. Estas neniel devige — nur permesite — elekti fontvorton por
kreota gavaroradiko el la sama nacilingvo kiel donita slangaĵo
tradukota. Solaj kriterioj por tiu elekto estas prononcebleco,
koncizeco, aparteco, de la koncerna radiko.
Por la usonangla a joint (ejo, domo) mi prenas kiel tradukon
ekzemple kasao (el hispana) aŭ bajito (el hebrea), sed ne necese
hoŭso el angla house, ĉar prononce malpli alloga.
6. Ĉe apudekzisto de pluraj sinonimoj en Esperanto, por dezirata
signifo, oni klopodu preni apogon sur la plej simpla kaj familiara
vorto kaj formi la ksenismojn prefere ek-de tiu. (Memoru
la 15-an Regulon de la Fundamento.)
Inter “societo, hordo, asocio, bando, federiĝo, anaro” mi elektis kiel
bazon por “bando” la vortojn mobo kaj huligo tiel ke ekzemple
“asociano” iĝas mobano aŭ huligano.
Inter “asasena, mortiga, murda” mi elektis “mortigi” kiel bazon, kiu
siavice kondukas al plisimpla “morti” ek-de kiu lasta devenas
smjerti kaj umiri el la rusa, tiele ke “asasena” iĝas smjertiga aŭ
umira.
7. Ne tre gravas la preciza signifo (semantika enhavo) de nacia
fontvorto. Ĝi povas esti jen komplete identa al la dezirata
ksenisma gavaroradiko, jen nur proksimume, se nur la baza
nocio estas sama. [2.4.3.6]
La verboformo sfjetli (lumi), devenas de la rusa substantivo sfjetl,
do kun identa signifo. La rusdevena oĉestfo origine celas specife la
familian nomon, sed en Gavaro nur “nomo” ĝenerale.
8. Ankaŭ ne gravas la fakta gramatika strukturo de la nacia fontvorto.
Senrigarde ĉu ĝi estas unuradika, derivita, aŭ kunmetita,
oni devas doni al responda gavara ksenismo nur tiun
gramatikan formon, kiun ĝi ricevus en normala Esperanto.
[2.4.3.1 & 2.6.1].
La nocio “virino” povas tradukiĝi ekzemple en franca slango per
nekunmetita moukère, sed en Gavaro ĝi devas esti derivaĵo ek-de
radiko por “viro”. Sekve aŭ viruno (helpe de la gavarosufikso –UN)
aŭ ĉlovekino (helpe de la fundamenta sufikso –IN).
41