GAVARO - Cindy

2.4 Gramatiko kaj Sintakso
2.4.1 RADIKOJ
1. Estas kvar formoj aŭ klasoj de slangoradikoj kaj do ankaŭ kvar
teknikoj por ilin krei en Gavaro, laŭ malkreska uz-ordo:
40
a) Metaforoj (personigo ks.)
musko = hararo privata okulo = detektivo
b) Vortmiksoj (stumpigo, inversigo)
polo = polico grapo = grandkapitalo
c) Akronimoj
repa = ripozu-en-paco = morta
d) Ksenismoj (pruntvortoj el fremdaj nacilingvoj)
drugo el rusa “drug” = amiko
Ili ĉiuj apartenas al la kategorio de tn. “leksikaj vortoj”,
kompare al “gramatikaj vortoj”, kiuj ne ricevas apartan
gavaroformon. [2.4.3.3].
2. La kvanto da klasikmodelaj vortoj (klasoj a,b,c) estas en
principo sen limo kaj formiĝas el la fundamenta Esperantovortaro.
domo = budo, kajuto, kesto, tendo ktp.
3. Krom tiuj klasik-modelaj vortoj, ĉiu nocio rajtas ricevi en
Gavaro tri ksenismajn formojn (te. tri fremdajn radikojn de
klaso d) sed ne pli, adoptitaj kaj adaptitaj el unu el la etalonaj
lingvoj: angla, rusa, hispana, hebrea, araba, sŭahila. Tio devas
sufiĉi por kovri la bezonon je sinonimoj en tiu-ĉi klaso.
domo = kasao, zgrado, bajito (hispana, rusa, hebrea)
4. Por tiu celo oni elektu normalan koinean vorton nacian, sed
nepre ne jaman slangovorton, kiu estas multe malpli bone
konata kaj kutime eĉ ne trovebla en koncerna vortaro.
[2.4.3.2].
Al la nocio “trompi” jes konvenas decivi el angla normlingva to
deceive, sed ne double-cross, kiu estas slangoesprimo.