GAVARO - Cindy

4
DIFINOJ NECESAJ AL ĜUSTA KOMPRENO
dialekto - Loka aŭ regiona devio de lingvo.
Popido: Zi balait lo kamen
efemerismo - Vorto aŭ esprimo kiu ĝuas popularecon dum nur
relative kurta periodo; ekzemple la iama termino
“provo” por “provokanto”.
eŭfemismo - Nepreciza dirmaniero por mildigi la krudecon de iu
vorto; ekzemple: “ellasi venton” anstataŭ “furzi”.
homonimo - Vorto kiu estas same skribata kiel alia, en donita
lingvo, sed havas malsaman signifon; ekzemple
“informoj” kaj “in|formoj”.
ĵargono - Fakulaj terminoj kaj esprimoj.
Ekzemploj: “poto” = potencometro
“suko” = elektrokurento
klikismo - Vorto aŭ esprimo uzata nur interne de iu partieto;
ekzemple “la sultano” por direktisto de entrepreno.
koineo - Norma, oficiala lingvo.
Fundamente: Ili balais la kamenon (laŭvorte)
ksenismo - Vorto prunteprenita el alia lingvo, foje pro malesto
de koncerna propralingva egalaĵo, foje pro manko je
ĝi; ekzemple “truko” en loko de “artifiko”.
sinonimo - Vorto kiu havas plimalpli la saman signifon kiel
alia en donita lingvo; ekzemple “arida” kaj “malfekunda”.
slango - Vortoj kaj esprimoj kun sekretema etoso. Ankaŭ
“disfemismo”.
Gavaro: Ili balais la kamenon = Ili sekskuniĝis.
triviala - Vulgare en la plej fia aŭ aĉa senco; vulgarega;
ekzemple: “fiki, kakaĵo” anstataŭ “koiti, fekaĵo”.