Create successful ePaper yourself
Turn your PDF publications into a flip-book with our unique Google optimized e-Paper software.
William AULD 17 tute trafe kaj prave emfazis la mankon je vere<br />
internacia kompara studado de naciaj beletroj, por kiu celo<br />
koncernaj fakuloj tamen disponus — se ili degnus — taŭge<br />
adaptitan perilon en la formo de (klasika) Esperanto. Sed interne<br />
de tiu nova, dezirinda kaj dezirata studobjekto scienca, profesiuloj<br />
nun ankaŭ povus — se ili degnus — disponi taŭge adaptitan perilon<br />
por slango en formo de Gavaro. (Same kiel ili disponus pri<br />
miaj Popido kaj Arkaika Esperanto por kompara analizado,<br />
respektive de naci-lingvaj dialektoj kaj de nacilingvaj praformoj.)<br />
Sed jen la demando … ĉu ili degnas ?<br />
Ĉar estas nur kiam oni, kiel faris mi, provas kompari la slangoformojn<br />
en malsamaj lingvoj, ke oni venas al la surpriza konstato<br />
ke tiuj kvazaŭ ĉiuj vivadas kaj utiliĝadas, influinte kaj influante<br />
unu la aliajn, sen ke koncernaj lingvostudoj trapasas la kadron de<br />
sia propra medio. (Spite la ekziston de bonegaj etimologiaj<br />
esploroj!) Ĉu bojkotado kaj protektadismo ankaŭ sur lingva<br />
tereno? Se oni do volas havi informojn sur internacia nivelo, oni<br />
devig-atas legi koncernajn verkojn, konsulti koncernajn artikolojn<br />
en enciklopedioj, ĉiujn kompreneble en la respektiva nacia lingvo.<br />
Eĉ la administrantoj de la famega Encyclopaedia Britannica, ĉe<br />
peto mia pri konciza listo de slangaj beletraĵoj en eŭropaj lingvoj,<br />
aliaj ol la ununura angla aŭ la ununura franca, rifuzis fari la<br />
bezonajn esplorojn sub preteksto ke tiu tasko transpasus iliajn<br />
kapablojn ! Nu, tiukaze mi certe devas disponi iun miraklofaran<br />
lampon de Aladdin …<br />
Slangostudoj sekve liverus materion ne nur por amuzo sed ankaŭ<br />
por serioza laboro profesia !<br />
Konklude, mi pensas utila fari praktikajn rezervojn kaj doni<br />
averton al tiuj raruloj kiuj tamen kaj efektive ŝatus lerni kaj apliki<br />
mian projekton:<br />
Traduki, aŭ originale verki, en Gavaro ne estas laboro por amatoretoj.<br />
Ĝi estas tre postulema, komplikita kaj delikata tasko, kiun<br />
nur harditaj, spertaj, kaj lertaj scipovantoj de la Internacia Lingvo<br />
kapablos preni sur siajn ŝultrojn. Simplige, kvankam kun iom da<br />
troigo, oni ja povas diri ke preskaŭ ĉiu aparta vorto aŭ esprimo,<br />
necesigas apartan solvon. Kiel mi mem ekkonis en longa, ofte<br />
malvenka, luktado kun la problemo, staras centre la paradoksa<br />
17. Per artikolo en Heroldo de Esperanto, numero ## de 1975.<br />
35
Change language