GAVARO - Cindy

Estas do neniu morala aŭ alia devigo. Sed kiam oni jes ŝatos havi
tian esprimilon je dispono, ĝi estu tie. Same kiel beletraj
novovortoj estas je dispono de niaj poetoj, spite ĉiujn protestojn
pri ties aperado en nia verda rondo.
15. Nederlandlingvaj terminoj por la ne konformisma junularo el la sesdekaj jaroj de la
pasinta jarcento.
Gavaro, same kiel Popido kaj Arkaika Esperanto, do ne estas
destinita al la normala fundamenta lingvouzo kaj miaopinie ankaŭ
ne minacas tiun. Estas ja apenaŭ imageble — en la tute utopia
supozo de entuziasma akcepto — ke oni morgaŭ legos en serioza
periodaĵo nia: “La Universala Kunjato disklopita de angeraj
demonstrantoj” anstataŭ “La Universala Kongreso disbatita de
koleraj demonstrantoj”. Ne, ĝi estas destinita, samkiel la aliaj miaj
projektoj, al uzo fare de lingvaj spertuloj aŭ en specialaj cirkonstancoj.
Ĉefe de verkistoj kaj tradukistoj, kiuj fruntus la
dilemon kiel prezenti slangon, same kiel ili okaze fruntas dilemon
pri antikva lingvaĵo aŭ pri dialekta dialogo.
1.6 Anatemo …
Spite ĉiujn miajn rimarkojn pri la ekzisto kaj la realeco de slango,
spite ĉiujn miajn notojn pri ĝiaj naturo kaj rolo en la socia vivo, do
principe ankaŭ en Esperanto, se tiu estu vervivanta socia lingvo,
mi facile povas konjekti ke Gavaro efikos al multe da ĝisostuloj
kiel kolektaĉo de danĝeraj galimatiaĵoj. Ĝi do probable elvokos la
malbenon kaj la hu-kriojn de recenzistoj, eĉ pli ol faris miaj
antaŭaj proponoj.
Mi brulstampiĝis strangulo kaj herezulo, kiu misuzas siajn
talentojn je mortnaskita projektaro “lingvonormiga”, ĉar mi
kuraĝis entrepreni la damnendan taskon kompletigi Esperanton,
tiele ke ĝi respegulu en racie metoda maniero nepre ĉiajn kaj ĉiujn
aspektojn troveblajn en vivantaj naturlingvoj uzataj ĉiutage kaj de
grandnombraj komunumoj. Esperanto ja estas por ili “jam tute
taŭga kaj kompleta” en sia nuna kutima formo; aŭ ĉu ? Tio do
denove nomiĝos “atako kontraŭ la Fundamento”, kvankam oni pli
ĝuste parolus pri klopodo al “dua progresa etapo” en ĝia
kampanjo por tutmonda akcepto.
29