GAVARO - Cindy

citante sur tiu-ĉi tereno la disvastigon kaj kreopovon de sporto !
En anglalingvaj landoj la invado ek-de malsupre estas eĉ tielgrada
ke la oficiala lingvo minacas malaperi de sur la publika scenejo
por estiĝi nenatura komunikilo de preskaŭ nur instruistoj,
akademi-anoj, politikistoj, kaj oficialaj institutoj.
Paralele. kiom koncernas beletron, oni vidis la naskiĝon de aparta
krimliteraturo, laŭ franca modelo nomata série noire (nigra serio) 9
— triviala frateto de la tiel populara “polica romano”— kiu faras
abundan uzon de krimula slango. 10 Hodiaŭaj aventuraj kaj
spionadaj romanoj, la bildstriaj rakontoj, 11 la fantascienco, en ĉiuj
formoj (libroj, radjoludoj, filmoj, teatro) faras al ĝi larĝan laborspacon.
Kaj kion diri pri la multaj protest-grupoj kiuj en sia ribelemo,
vandalismo kaj sklaviĝo al drogoj, 12 uzas slangon tiel kompleksan,
ke ĝi komencas impresi kvazaŭ aparta dialekto aŭ idiomo ? 13 Aŭ
pri la grandegaj rolo kaj influo de televizio kaj filmo ? La potenco
de ĉi-lastaj estas ja tiel nekredeble granda ke ili per ĉirkaŭvojo
revivigas (aŭ entute kreas!) slangon eĉ en landoj, kie ĝi forgesiĝis
malantaŭ la publikaj kulisoj aŭ apenaŭ naskiĝis, ĉar “postsinkroniga”
tradukado, fare de inventemaj lingvospecialistoj,
redissemas ĝin tagon post tago en ĉiujn hejmojn.
Konklude, mi estas en rajto diri ke slango ĝenerale, kaj krimula
slango speciale, iam estis, nune estas, kaj ankoraŭ estos, en ĉiam
kreskanta grado, grava lingvofaceto de naturlingvoj; faceto kies
spitanta etoso kaj bunta formo ĝis nun mankis en nia neeviteble
klasika kaj norma planlingvo Esperanto.
09. En Esperanto mi por tio proponus la terminon “anatema literaturo”..
10. “Pridemandado” (4.17) kaj “Fatala Pokerludo” (4.16) en la Krestomatio.
11. Vidu “La Milionula Adoptofilo” - 4.14
12. Legu la gazetartikolon “Slango de la Malbenitoj” - 4.19.
13. “Vagabonda Venĝo” - 4.20.
25