GAVARO - Cindy

4.27 Ĉantaĝo
214
Apud la Memuarojn de Vidocq en Francio kaj de Adjutanto
Groen en Holando, mi trovis tiajn ankaŭ en Hungario, fare
de la policoficiro Fóti Andor, sub la komunisma reĝimo. La
homoj de la leĝo deziras malkovri la kunvenejon de
danĝera krimula bando, por povi aresti la tutan anaron per
unu bato. Nur kelkaj membroj estas konataj, inter kiuj iu
Ákos, kiu eskapis el prizono kaj pri kiu envenis informo ke li
troveblos en la budapeŝta restoracio en akompano
de iu virino.
Ĉio ĉi ne daŭris pli longe ol dudek minutoj kaj jam oni reforiris.
Apenaŭ eksidiĝinte je mia skribotablo, por meti iom da ordo en
miaj pensoj kaj preni mian revolveron, Eliza [la sekretariino] min
avertis: Tiu Erno [spuristo] denove volas kontakti vin.
- Do rapide, mi petas!
- Jen Erno… Bonvolu veni tuj. Ákos troviĝas en la restoracio
Anna kun iu virino. Mi atendos vin ĉe la angulo de Strato Váci kaj
Placo Vorosmarty.
- Ni rapidos! mi respondis, kaj al leŭtenanto Nagy: - Venu kun mi!
Ĉu vi havas armilon ?
- Pozitive !
- Ni devas hasti, ĵetis mi al la ceteraj policistoj, kiuj kune kun mi
estis venintaj de la interkonsiliĝo. – Ke ĉiu okupu sin pri sia
individua tasko; ne necesas atendi min. – Eliza, se la granda ĉefo
bezonus min, diru ke ni iris al la Anna.
Jam baldaŭ ni estis surloke. Vidante nin alveni, Horvath aperis el
sub portalo. – Ĉefo, li enestas kun blonda virino… Mi intencas alpaŝi
lin, ĉu en ordo ?
- En ordo, mi tuj respondis, kaj vidis ke li estis iom surprizita, ĉar
ĝis tiam mi neniam permesis al li tian agon. – Ŝajnigu rekoni lin,
diru ke vi estas en runo, sendinera, kaj provu lin blakmeli; sed ne
akceptu se li proponas pagi jam tuje; kontraŭe provu ekscii lian
adreson. Nun, atendu momenton por ke ni povu instali nin ĉe
apuda tablo, por povi se bezone tuj interveni.