GAVARO - Cindy

4.25 Kviz-demandoj
Alia amuza filmo de Howard Hawks, Ball of Fire (Pilko de Fajro) el
1941, donas efektivan rolon al slango, pro tio ke mondofremda
profesoro pri la angla lingvo (Gary Cooper) vidas sin devigita enketi pri
la aktuale parolata popola lingvaĵo. Li estas membro de akademia
entrepreno en kiu ok sciencistoj devas kompili novan enciklopedion.
Ilian streĉan entreprenon interrompos konatiĝo de la lingvoprofesoro
kun juna bela dancistino (Barbara Stanwyck), kiu deziras eskapi
gangsteran bandon. Ŝi kuntrenos la tutan skipon en aventurojn
samtempe komikajn kaj danĝerajn. Jen la enkonduka sceno.
En la komenco de la filmo, post kiam ili faris viglan promeneton
en la najbara parko, kaj post interkonsiliĝo kun la mecenato de la
tuta projekto, nia grupo de sciencistoj kolektiĝas en la vasta
studoĉambro, kiu plenegas je libroj kaj paperaĵoj ĉiuspecaj. Ili
estas pretaj starti novan labortagon — atinginte la literon S post
naŭ jaroj de penado — kiam subite envenas agema ruboĉaristo,
kies ŝarĝaŭto ĵus traveturas la straton.
Rubaĵisto – Salut ! Mi esperas ke mi ne ĝenas, mi envenis tra la
kuirejo.
Ĉiuj – Kiu estas vi ??
Rubaĵisto – Mi estas la rubaĵisto, mi deziras ion ekscii pri
Cleopatra.
Ĉiuj – Ĉu Cleopatra ??
Rubaĵisto – Jes; tio-ĉi estas speco de librejo aŭ de lernejo, ĉu ne ?
Historiisto – Nek nek; ni laboras je enciklopedio.
Rubaĵisto – Enciklo—kio ?
Lingvisto – Enciklopedio; verko kiu strebas kompili kaj katalogi la
tutan homan sciaron.
Dommastrino (rapide envenas) – Juna viro, ĉu vi envenis tra mia
kuirejo ?
Rubaĵisto – Jes ja, amikino.
Dommastrino – Mi ne estas via amikino, kaj vi tuj eliru !
Ĉiuj – Ho ne, Fraŭlino Bragg, ni petas !
Lingvisto – Ni trovas lin tre interesa; bonvolu daŭrigi.
194