GAVARO - Cindy

Plato faris notojn pri dialektaĵoj kaj lingvaj deviaĵoj, kiujn ni
hodiaŭ etikedus slangaj.
Kiom koncernas specife la eŭropan kultursferon, mezepokaj
eposoj kiaj la Roman de Renard uzas la trivialan vortaron de la
“popolaĉo” same kiel popolfarsoj kiaj Till Eulenspiegel [por ambaŭ
vidu Arkaika Esperanto]. La angla poeto Geoffrey CHAUCER en la
14-a jarcento plancele utiligis slangaĵojn por distingi inter la
diversdevenaj pilgrimantoj rolantaj en lia klasika Canterbury
Tales. Ni trovas slangon ankaŭ en la buŝo de popolanoj aŭ krimuloj
rolantaj en la tiel nomataj “Misteroludoj” — tiuj estis
teatrigitaj vivo kaj morto de Jesuo Kristo aŭ de iu katolika
sanktulo — de 15-a kaj 16-a jarcentoj. SHAKESPEARE ĝin aplikas
en iuj siaj klasikaj dramoj, samkiel John GAY en sia The Beggars
(1728) kaj Charles DICKENS (19-a jc) kiu lasta ĝin aplikis en
romanoj pri la surstrata vivo de Londono, paralele al Mark TWAIN
en Usono pri la vivo de ordinaraj homoj laŭlonge de la riverego
Mississipi. La fama germana Dreigroschenoper de Berthold BRECHT
en la ĵus pasinta 20-a jarcento estas plena je ĝi, samkiel la
muzikfilmo My Fair Lady, laŭ la verko de G.B. SHAW. Jen do
slango ĝis en mejloŝtonaj klasikaĵoj de la eŭropa kulturhistorio, eĉ
se ni fkankenlasas enmikson de dialektoj. Kaj mi certe ne citis
ĉiujn !
Tamen, tiuj beletraĵoj ĝenerale nur eksponis kaj utiligis slangon
sen antaŭa vere lingvistika esploro aŭ sen iu popolmora analizo.
Kiom mi eksciis, ni devas atendi la jaron 1426 en Francujo por
vidi la unuan efektivan agnoskon oficialan pri la naturo kaj aparteco
de slango. Estas tiu agnosko policana dokumento pri friponuloj,
en kiu ni legas:
Lequel NOBIS dist au suppliant qu’il alast avec lui en l’ostel où pend
l’enseigne des petits soliers et que il avait trouvé son homme ou la DUPPE,
qui est leur manière de parler, et que ils nomment JARGON, quant ilz
trouvoient aucun fol ou innocent qu’ils veullent decevoir par jeu ou jeux et
avoir son argent.
Aŭ, tradukita per Arkaika Esperanto:
Cuyu NOBIS ad Plendantom dirit que lùi in Gasteyom irit
cuyoe Anontztabulom prid Trid Shuetoy expendat, char
ityahem Homon sihan trowintam estit aù DUPON, cuyel
Parolmanierom del ilùi estat, cay cuyun ZHARGONOM
nomait, cuyahem trowintay estait heyun Malsaghulon aù
19