GAVARO - Cindy

4.19 La Slango de la Malbenitoj
170
Recenza artikolo verkita de Dinah Silveira de Quiroz en la
brazila ĵurnalo Correio do Povo el Porto Alegre, 1976-09-03.
Mi ne scias ĉu mastro Aurélia Buarque de Holanda 1 konas la
parolmanieron de la “malbenitoj”, la malvirtuloj kaj finegocistoj en
la submondo de la narkotaĵoj, kiun publikigis la kuracisto kaj
eminenta klerulo D-ro José Guimarães Alves, sub la aŭspicioj de
la Departamento de la Federala Polico de Brasiljo 2 . Enestas en tiu
lia “Glosaro” komunaj slangaĵoj, kiel ekzemple ventkapa, kiu por
ni signifas “malsaĝa”, sed por tiuj malbenitoj — marĝenuloj de la
drogo — signifas alion. Nome ĉi-kaze ventkapa esprimas la
eŭforion de la drogo per malgranda dozo. Kaj amerikanaĵo ? Nenio
pli aŭ malpli ol kanabaĵo. Agrokultivado ? Termino uzata por
indiki la ideologian “kulturon” de stuporigiloj.
Multfoje oni aŭdas la nordorientulojn de Brazilo diri ĉirkaŭpreni
aŭ kunpremi; ekzemple en “vestaĵo ĉirkaŭprena” (streta). Sed en la
“Glosaro de la Toksaĵoj” kunpremi 3 volas diri: “memfari cigaredon
aŭ cigaron”. Kaj la senkulpa kabano en la konataj samba 4 -
kanzonoj? Ĝi estas la filoĝejo de drogovendisto. La kiseto ?
“Eksuĉo je droga cigaredo, profunda enspiro; samsignifa kiel
dolĉopluveto.” Kaj ĉu vi scias kion signifas virpupo ? Estas
kokaino metita en eta vitro-ampolo. Kaj la var-mono de la
ŝakristoj ? Dolaro estas pakaĵeto de kanabaĵo kun naŭ aŭ pli da
cigaredoj. Estas la sama kiel pakofo, la prezo de unu porcio da
drogo en la ŝtato Bahia. Kion signifas la granda fluejo ? Estas la
arterio de la gambo kiu ricevas la malbenindajn injekciojn. Kaj
limonado ? Ĝi signifas ampolon de Pervitino 5 . La sendanĝera
esprimo ligita en la buŝo de sklaviĝinto rilatas al persono katenigita,
malvirtiĝinta pro uzado de drogoj. Kaj bruligita, tiel ofte
uzata ? “Freneza, videble senrega, veninta al la ekstremo de
malprudenteco, survoja al mempereigo.” Ĉe truita pneŭmo temas
pri malfeliĉa tuberkulozulo. Kaj la bela nomo arĥanĝelo ? Estas
cigaredo de kanabaĵo. Saŭno, saŭneto ? “Fumegado en malgranda
fermita ejo.”
Jen ankoraŭ kelke da frazoj: Ĉu ci konas iun bonan manĝigejon ?
(Kie vendatas bonkvalita kanabaĵo ?); Mi travivas teruran sekecperiodon
! (Mi estas freneza pro manko je kanabofumado.); Mia
kunulo, estas pluvonta ! (Alvenas policanoj !)