GAVARO - Cindy

Kiam Tony konstatas, ke lia amatino Mado ne restis fidela, li iĝas
venĝema kontraŭ la socio kaj, spite la danĝeron, decidas preni parton
en ambicia krimo kiun planas liaj amikoj Jo kaj Mario. Ili detalege
organizas prirabon de granda juvelejo, en kio asistos Cesar, itala
eksperto pri monŝrankoj. La plano plenumatas tutperfekte kaj en
absoluta silento. Sed post la sukceso kaj eskapo, Cesar estas tiel
malprudenta donaci altvaloran ringon el la rabaĵo al amata kantistino.
Pierre, la ĉefo de rivala bando tion rimarkas, divenas la devenon de la
juvelo, kaj sub mort-minaco devigas non Cesar diri kiu kaŝas la
juvelaron: Mario. Li tiam sendas sian anaron tien por perforte akapari
la riĉaĵon. Sed Mario obstine rifuzas malkaŝi la kaŝejon, kio kostas al li
la vivon. Pierre tiam prenas la fileton de Jo kiel ostaĝon, por ke tiu-ti
transdonu la trezoron. Sed nun Tony ekagas; unue li mortpafas la
perfidinton kaj tiam postĉasas la rivalan ĉefon. Okazas interpafado kiu
mortigas ambaŭ Jo kaj Pierre. Sed ankaŭ Tony estas grave vundita. Li
ankoraŭ sukcesas per lastaj fortoj redoni la infanon al ties patrino, sed
tiam li mortas siavice en sia aŭtomobilo.
Fragmento prenita el Du rififi chez les hommes (Klabifado ĉe la
knabegoj), fare de Auguste Le Breton — Eldono Gallimard,
Parizo 1965.
La kartludantoj (Bruegel)
153