GAVARO - Cindy

apartan nomon por ĝi (cant, Rotwelsch) distinge de kutima, malkaŝa
slango.
Aliflanke, kiel mi skizos pli poste, la sekretecon de iamaj rabistaj
slangoj elstaris tiel forte pro historiaj cirkonstancoj, ke aliaj formoj
ne ricevis la atenton, kiun ili meritis. Tamen, ĝis hodiaŭ la brulstampo
“sekreta” persistas. Interesa konstato: estas specife
ksenismoj kiuj plej facile rolas kiel sekretigiloj.
Kaj ĉi-tiel ni venas al pli detala situigo de la fenomeno en ĝia
sociolingvistika kadro.
1.3 Sociaj kaj individuaj faktoroj
Konvencia koinea lingvo estas destinita al la distanco; ĝi funkcias
de grupo al grupo, de generacio al generacio, de epoko al epoko.
Ĝi strebas al la konstanteco de la formo.
Nekonvencia lingvaĵo male estas sentojn-esprima pli ol pensojnkomunika.
Ĝi funkcias per kaj por penetremo, sentigo, dialogo; ĝi
funkcias de homo al homo, intime. Sekve ĝi estas nete individua
afero. Estas individuo kiu en tiu aŭ alia situacio vipe mokas aŭ
defendas sin per sprita novovorto. En tiu rilato oni certe povas
nomi lin poeto en sia modesta maniero.
Jen kial unu tendaro de lingvistoj opinias slangon pure spontane
estiĝinta kaj estiĝanta fenomeno.
Inter la personaj psikologiaj motivoj kiuj estigas slangon, Eric
PARTRIDGE mencias: esprimi sian vivoĝojon, ekzerci sian spritecon,
rimarkigi sin, liberigi sin de konvencieco, inciti la aliajn, freŝigi
paliĝintajn kliŝojn, trafi pli forte kaj penetre per koncizeco,
transformi tro abstraktajn ideojn al palpebla konkreteco, malgravigi
la penojn kaj dramojn de la homa vivo, alproksimigi sin pli
intime al la aŭskultantoj, montri ke oni estas laŭmoda kaj
ĝisdata, sentigi ke la alia ne estas tia, demonstri sian apartenon al
donita kasto aŭ metio, kaj fine malkomprenebligi al eksteruloj
kion oni volas teni sekreta inter elektita anaro.
Similtone rezonas la fama lingvisto Otto JESPERSEN (Mankind,
Nation and Individual): La plejekstrema impulso, por krei slangon,
estas iu sento pri intelekta supereco. Oni trovas ke tiu aŭ alia
vorto aŭ esprimo de la normala lingvo iĝis banala, tro bonkonata,
enuiga, kaj tial oni serĉas novan vorton por tikli la fantazion kaj
15