GAVARO - Cindy

4.12 Pri tio kion mi aŭdis en la pombarelo
128
Jim Hawkins, la heroa knabo de tiu-ĉi historio, hazarde ekdormas
en granda barelo sur ŝipo velanta al iu neloĝata insulo
kie estas kaŝita la trezorego de iama pirato. Subite lin vekas la
voĉoj de apudaj ŝipanoj konspirantaj kontraŭ la kapitanon kaj la
estrojn de la ŝipo.
Prenita el Treasure Island (Trezorinsulo), aventura romano de la skota
verkisto kaj aventuristo Robert L. Stevenson (1850-1894), multfoje
represita kaj ankoraŭ daŭre retradukata kaj refilmigata, same kiel lia
fantascienca Dr. Jekyll and Mr. Hyde. La dialektan stilon mi juĝis
nesufiĉa por apliki ankaŭ Popidon.
En tiu-ĉi momento mi komencis kompreni la signifon de iliaj
vortoj. Per Mastro de Fortuno ili evidente celis nenion alian ol
vulgaran piraton, kaj la sceneto, kiun mi subaŭskultis, formis la
lastan akton en koruptado de la honestaj maristoj; eble de la
lasta lojala surŝipe. Sed ĉi-teme mi ne bezonis longe cerbumi ĉar,
post kurta ekfajfo de Silver, aliris tria viro kiu eksidis ĉe la
ceteraj.
“Dick estas regula,” diris Silver.
“Ho, mi scias ke Dick estas regula,” rediris la voĉo de la stiristo,
Israel Hands. “Li ne estas stultulo, Dick !” Kaj li turnis sian
tabakmaĉaĵon kaj kraĉis. “Sed aŭdu,” li daŭrigis, “jen kion mi
ŝatus ekscii, Rostisto: kiom longe ni ankoraŭ devos aktori kvazaŭ
damnita proviantŝipo ? Mi jam sufiĉe toleradis tiun Kapitanon
Smollett; li jam pli of sufiĉe hirudis min, je la tondro ! Mi deziras
enpaŝi tiun lian kajuton, jes ja. Mi deziras ties spicaĵojn kaj
vinojn kaj ceterajn.”
“Israel,” diris Silver, “cia kapo ne multe valoras, nek iam nek nun.
Sed ci kapablas aŭdi, mi supozas; almenaŭ ciaj oreloj estas sufiĉe
grandaj. Nu, jen kion mi diras: ci kuŝos en la pruo, kaj ci laboros
pene, kaj ci parolos mallaŭte, kaj ci restos malebria, ĝis kiam mi
eligos la ordonon; kaj ci povos kovadi ovojn je tio, mia filo !”
“Nu, mi ne diris ne, ĉu ?” grumblis la stiristo. “Kion mi demandas
estas nur: kiam ? Jen, kion mi demandas.”
“Kiam ? Je la potencoj de l’infero!” kriis Silver. “Nu do, se ci volas
scii, mi diros kiam. Jen ni disponas unuaklasan mariston, la