GAVARO - Cindy

4.8 Ladokolportistoj
Siatempe fifamega krimulo en Usono, “Goat”Laven,
rakontas sian vi-historion al ĵurnalisto.
Ni ne sciis en kiu parto de la urbo ni troviĝis, nek kia klaso de
homoj ĝin vizitadis aŭ priloĝis. Kiel palpaĵo, por ekscii en kiu
speco de hotelo mi troviĝis, ĉe la malsupreniro mi renkontis la
hotelan komizon, kiu aspektis tre altŝveba knabego. Do, mi
parolis la slangolingvaĵon kun li, kiel palpaĵon por malkovri ĉu li
estas regula.
Kion mi diris estis: “Bonan matenon, kiel fartas l’artifiko ?” — kio
konsistigis specon de kodvorto. Nuntempe ankaŭ komercistoj kaj
teatruloj utiligas slangon kiun nur ŝtelistoj kutimis uzadi, sed en
tiu momento tiu-ĉi frazo certe estis fidinda palpaĵo. Do, tiu-ĉi viro,
li komprenis ke ni ne estas sprosoj, kaj li salutis nin konforme.
Sidante en la hotelvestiblo ni okulmezuris la okupantojn de la
kasao, kaj konkludis ke ni restadas en bona vivloko. Tio estas: ili
ne tro interesiĝis pri tio kion oni faras, tiel longe kiel oni pagas
sian luprezon.
La unua amuzejo kien ni iris, estis la trinkejo de Hein Cadoodle.
Se iu viro aŭ virino tie faris fulmigon de io ajn, tiu iĝis torpedita
aŭ priŝtelita, sed neniam povis foriri kun sia mono, krom se li aŭ
ŝi apartenis al la knabegoj mem. Do, la knabegoj nin alrigardis,
klopodante malkovri ĉu ni estas dupoj aŭ ungistoj. Sed ni dissemis
kelkajn rimarkojn, palpante la trairon, kaj ili decidis ke ni
estas en ordo.
Ni komencis pensadi kiel gajni iom pli da mono; sekve ni enfalis
biljart-salonon. Ĝi situis en la Ŝtatostrato — mi plu ne memoras
precize kie — kiu tiutempe estis fifama ferdeko; ĉiuj knabegoj, de
ladokolportistoj ĝis levigistoj, kutimis kunvenadi tie. Ladokolportisto
estas ulo kiu aĉetas falsajn juvelojn kaj markas ilin kiel 14karatajn.
Ekzemple, li aĉetas ringeton kun vitra diamanto en ĝi;
tiam li faras travestion, surmetante kornokradajn okulvitrojn kaj
tiaspecaĵojn. Poste li elektas homojn kiel turistojn, laboristojn, kaj
speciale taksiŝoforojn; junaj viroj kiuj kredas sin altŝvebuloj,
sciantaj ĉiujn demandojn kaj respondojn, sed kiuj envere ne scias
la horon de la tago.
Tiel, li aliras sian celtabulon kaj, per lertaj paroloj igas la tabulon
aĉeti la ringon sub preteksto ke li ĵus trovis ĝin. Aŭ alia taktiko,
110