GAVARO - Cindy

moviĝos al orienta direkto. Ne estas indikoj pri iu granda ŝanĝiĝo
en la barometra situacio.
FREDDY – Ha, ha, ha ! Kiel spritege !
LIZA – Kio misas en tio, juna viro ? Mi certas, ke mi diris ĝin
ĝuste.
FREDDY – Frakase !
Sinjorino EYNSFORD HILL – Mi tre esperas ke ne iĝos tro malvarme.
Estas sufiĉe da gripo en la urbo. Mia tuta familio regule
malsaniĝas pro ĝi en la printempo.
LIZA (morne) – Mia onklino eĉ mortis pro gripo. Almenaŭ, tion oni
diris. (S-ino E-H eligas kompateman “ts ts ts”. Sed mi opinias ke
oni tute simple konfitis la maljunan virinon. (Higgins kaj Pickering
akuze rigardas unu la alian, kvazaŭ ĉiu volus igi la alian
responsa, ĉar tiu ankoraŭ ne sufiĉe profunde preparis la knabinon
al tiu-ĉi lasta ne ekzercita frazo.)
Sinjorino HIGGINS (nekomprene) – Ĉu “konfitis” ?
LIZA – Jeees, Dio kompatu ! Kial ŝi ja mortu pro gripo ? Ŝi bonege
travivis gorĝobruniĝon [difteriton] en la jaro antaŭ tio. Mi tiuokaze
vidis ĝin propraokule. Preskaŭ bluvizaĝa ŝi estis ! Ĉiu
kredis ŝin jam morta, sed mia patro, tiu obstine plu kuleradis
brandon en ŝian gorĝon. (Higgins, kiu plu ne scias kion fari por
savi la situacion, balancigas teotaseton sur sia kapo, farante kelke
da paŝoj sen elverŝi unu solan guton, esperante deturni la
atenton, sed vane.) – Fine ŝi rekonsciiĝis kaj eĉ tiel abrupte, ke ŝi
dismordis la kavaĵon de la kulero.
Sinjorino E-H (konsternite) – Ĉielo !
LIZA (nun sen konscio plene aĉigante la situacion) – Mi demandas
al ci kiamaniere virino, kun tia forto en sia korpo, povus morti pro
gripo ? Kaj kio okazis al ŝia nova pajloĉapelo, kiu fakte estis
apartenonta al mi ? Iu ĝin ungis ! (Higgins ventumas al si per la
arĝenta pleto de la teotablo.) Kaj kion mi volis diri: tiuj kiuj ungis
la ĉapelon, ankaŭ konfitis ŝin !
Lordino BOXINGTON (nerveme kaj laŭtvoĉe) – Ĉu “konfitis ŝin” ?
Kion signifas tio …?
HIGGINS (haste) – Ho, tio estas nur novmoda ĵargon-esprimo.
“Konfiti” signifas “mortigi”.
105